حابين اكمل الكم قصة علي الهادي
لو نبقى بس ع قصة البنات
؟؟؟
🤍🤍
...
عوفهم لا تلتفت عالوادم الماتشتريك
بيعهم بارخص تذاكر
طيح يم اول محطة تفك اديها تهلي بيك
#انياط الانتقام..
#الكاتبه من البصاروه.🤎
...
ليار
كلشي صار بسرعه الصبح راحت للدوام كبال عينه الظهريه اتصل بيه يعقوب اخويه
يعقوب برجفه:-لياره بسرعه طلعي للطوارئ جهزو لعمليات مَليكه اندعمت
نصرعت بكلامه لبست جفوفي وبلغت الي وياي صرنه نتراكض وبس صوتي العالي بين لردهات توني خطيت للباب ونزل معتز بين ايديه مَليكه متنشاف من الدم
متدري شنو الي بيها والي مابيها استلمتها منه وهو يبجي
معتز :-ليار بس باعي رجلها وراسها ركزي عفيه للتتوترين بسرعه عالجيها
دخلت للعمليات رجلها مشكوكه وراسها اباوع لملامحها مخربها الدم وفاقده
نهاريت اني محد يكدر يتحمل يشوف اخوه كباله هيج
طب دكتور سلام صرت اترجاه بعيوني وايدي ترجف ماكدر انطق
دكتور سلام:- اهدي خويه كعدي ع صفحه اني
هسه اسويها الج غستق دخيل الله شهل جمال
عندج هيج اخت حتيته من ندعمت يلا راويتيها النه
ضحك من شافني ساكته راح كابلها بلش براسها كطع النزيف بعدها خيط الجرح العميق كلشويه يكلهم راقبو لاياثر ع الدماغ كمل راسها بكل خفه راح ع رجلها شيلهم شيل وهو يشتغل بخفه
من صدك دكتور سلام جداً ممتاز بشغله رغم اني درست بجامعه امريكيه وتحت ايد اجود الجراحين
بس ماعندي خفة ايده بالشغل سحبت نفس عميق من خلص طكها هلهوله
دكتور سلام:-كلت خاف تموت واني مازوجتها
ضحكت تقدمت شكرته
:-عيني هاي مرتي ميحتاج شكريني
طلعنه بره وهو يضحك شفت بابا واخواني
رحت حضنت بابا
دكتور سلام بضحكه:- بويه عائله نحاله عسل اني عالجت بتكم واختكم الدكتوره ليار كالت ازوجها الك بتكم بويه تخبل
راحله جرجس يريد يضربه
دكتور سلام:- حقكم متقبلون بيه اذا اني ازرك هيه شكره اختلاف مقامات
ضحك بابا وتشكروه هو واخواني
يسوع:-ابو العز شلون صار الحادث
معتز:-اختكم مطيوره والقران دمي نشف لشارع كله لسيارات تخطف خطف وهي تعبر كبل
جرجس:-الحمدلله عدت ع خير
أنت تقرأ
انياط الأنتقام
Romanceتاج الحُسن لست من محبي الانتقام لكن سيأتي يوم ابدع بتصفيه الحساب طفله عراقيه ذات 9 اعوام تعيش مع امها في حياه مؤلمه تذهب في احد الاسواق الشعبية العراقيه وبيدها تحمل اكياس للمواد الغذائيه تقوم ببيعهم لكي لاتضطر للذهاب الى اخ امها وتطلب منه في مثل كل...
