انياط الأنتقام

Part 36

راعي الطير يزعل لا طار طيره
وشلون لا شافه على كتف غيره.

#انياط الانتقام..
#الكاتبة من البصاروه..

...

فزيت درت ع يسوع جان عبالك يدري..

لزمني ابوي بذيج اللحضه ضربني ضرب انتقام
كثر ميحاولون يسحبو يزيد عليه بالضرب عافني ورجع
المشكله انو امي بصفه وتشاهد منظري

محسيت الا جرجس جاب بابا بلكمه ع خشمه وتولته الضربات مجنت حابه اشوفه ينضرب
سحبه يعقوب وكعده

جرجس:-والله والله اموته واذبه للجلاب ماتمد ايدك ع بناتنه

ع العناد بابا كام وضرب زينب الجانت وره يعقوب وعمو واكفه..

جرجس هو ويعقوب ثارو عليه طفر يعقوب وعمو يعيط بيهم

يعقوب:-تعال لك سكتنالك هواي

محسينه الا جرجس جتفه وكعه بالارض راحله يعقوب لزم ايده يريد يكسرها لكن شهكات وتوسلات زينب الخايفه خلت عمو يبعدهم عنه..

جرجس:-لاخليت قدر الك لانك عمنه ولا احترام لكبرتك

هواهن:-دكعدو كعدو مستقتلين ع ذني تره ذني تربايتي لاتنسون واني مشيتهن ع السراط المستقيم

ميلا:-انتِ شنو من بشر لج ذن بناتج ربج يحاسبج عليهن
اول حساب بناتج يحاسبج ع ظلمج الهن

هواهن:-دسكتي ام حلك ليلزك كعدو خلي يحجي وياكم نواف

نفتح الباب. دخل جدي التعبان وشوتيه وعمو محمد ومرته واولاده  وجليل وامه كلهم كعدو جان جرجس كاعد ع اعصابه تاج جانت تهدي بي

شكد بابا وعمو محمد يتشابهون بالشكل بس متشابه بالكلب
ولابالروح كل شخص هنا شكد مجان يكره ويحقد
بس اولاده بعينه وبكلبه
الا ابوي حاقد حتى علينه مادري نشو المخلي
هيج انسان مريض هو وامي يمكن المطع والغيره بس هو حتى ممحتاج فلوس ولاشي

نواف:- طبعاً الي رح اكوله الكم كله صدك والشاهد ع هذا كله ويدري بي ام جليل

عيسى:-شنو غايتك لك نواف ساكتلك لخاطر هل بنيات

نواف:-حالفف وقاسم يمين قسم ادمركم واحد واحد

خيون:-اكل نعل وكمل مالنه خلك عنططزه

هواهن:- مثل منتحر عزيز بسببك انتَ ومرتك اخلي مرتك تنتحر هماتين واعذبك بفراكها

جانت موجهه لكلام لجرجس..

بكل صلافه وشماته ابوي وكف كبال تاج..

جرجس:-والله اذا سويتها يانواف هسه اكتلك والله بنفس اللحظه

تاج:-شكو جرجس

نواف:- ههههه تاج اني ابوج مو محمد ابوج

صار صمت قوي وهدوء..