انياط الأنتقام

part 34

عيوني تاخرت عليكم بالبارت
بس تعودتو اكطع وارجع انشر بارتات..

#انياط الانتقام
#الكاتبة من البصاروة...

....

حور**

كل مجنت اريد اكوم يخزرني وياشرلي اكعد..

يسوع:- ليش كلتي لعلي انو اهلج متوفي

حلم:-موضوع كلش طويل

يسوع:- هو وجودي اسمع هل مواضيع الطويله

حلم:- عندي اخوان وخوات وام واب من عائله سعيده ومتكاتفه ومتعاونه ومبيها اي حقد وغيره
وجنه مدللات انه وخواتي من ابوي واخواني
مينقصنه شي باختصار
صح جانو مشددين من ناحية اذا طلعنه
بس بانين ثقه بينه عظيمه جداً
واجه اليوم الي خرب كلشي

يسوع:-لحد ما اجه يوم اغتصابج صح

حلم:-جان عدنه انو عادي ولد عمامي او عماتي ولبنات علااقتهم تكون قويه ويدردشون سوه كاصدقاء
حتى الطلعات كلش عادي اذا نطلع سويه
فبيوم من الايام

صارت عزيمه جبيره بيتنه فكلش تونست رح نلتقي كلنه ونكعد نشرب جاي ونسولف ونضحك
احب هل كعدات رغم بيها ناس نشيل بناس
وتنهش بلحمها الا ان انه احب هل لمات كلش احبها
لان ننجمع كلنا

يسوع:-شكد عمرج هنا

:- 14سنه رح اطب 15

:-ابن عمي اسمه احمد نصيحله حماده
ابن عمتي همين احمد نصيحله حمني
ذول اصدقاء روح بروح جان حماده نسولف مرات ونضحك عادي وبينه محادثات
وجان هل شي بعللم اهلي وكلش عادي
حتى خواتي هم
مرات نسوي كروبات واخواني ويانه

دخل حماده خاص الي بعد العزيمه...
صار يحجي وياي ويشاقيني وانه اتنمر عليه
لان هو جان اسمر حاركته الشمس
لحد مكتله اطلعلي بالمفيد شعندك طاب خاص

يسوع:- شكد عمره

:- انه باختصار اصغرر وحده بالعائله كلها كلهم كبار
حماده عمره 19 حمني 22

فحماده كلي حليمه تره حمني يحبج ورايدج بس لان محب يحرجج بهل كلام راد مني اكون واسطه بينكم

حور**

كملت سرد قصتها لحد متعبت كالت ماكدر اكمل بعد
كام يسوع اتصل ع علي اجه ياخذها واني صعدت فوك صفنت بكلام حُلم محسيت بامان

دخلت للغرفه كابلت الكتب وكعدت مسحت وجهي بلشت اقرا توني وندك الباب صحت منو..

يسوع:- اني يسوع تعالي لغرفتي

كمت فتحت لباب باوعتله رفعت حاجبي..

:-يسوع ع اي اساس ادخل غرفتك

يسوع:-يابه انعل ابو فكرج تعاي للمكتب

:-اولاً اني حريصه ع نفسي حتى لو جنت ابن عمي وامان ثانياً تكدر تحجي هنا لان اريد اروح اقرا لهيتني عن دراستي