انياط الأنتقام

part 9

بمناسبة لعطله رح اكتبلكم بارت حتى لو قصير لان الاحداث مو كامله لهسه الله شاهد وانه ما ابخل عليكم 😭😂👍🏻

اريد تعليقاتكم ع البارتات وبين الفقرات 🙂🤍
..
هزني الشوگ گوة واشتهيت انحب
انه مرتب عشگ واسهر للمرتب
سولفلي عشگ حتى استلذ بالليل
اسولفلك غزل مايعتگ ويخرب .

#انياط الانتقام
#الكاتبة من البصاروه🤎🤎

..

بعد ماعزيز اجه للبيت نكلبت الامه مبين عزيز عليهم وامه كل شويه كالت غدي بعين لعدو رادو يفركون ابن بطني عني

حاولت من كل ناحيه ما اخلي يشوفني ماريد اواجهه لو اتقابل ويا كارهه كلشي هنا مشتاقه لمكاني بيت امي بس لو اموت ما اتوسل بخيون حتى يرجعني
اتحمل شوفة عزيز ولا اتوسل بخيون

اشتاقيت لحياه روحي بيها هيج اتنفسها اذا بيوم ما اشوفها اتخبل خله حصوني كلها تنهار والزاد الطين بله خابرتني امي تكلي حياه تبجي عليج

اخذت بشت لان مابيه ابدل ورفعت شعري شلون ماكان..

نزلت من غرفتي الي مسويها الي وليوم بعد اسبوعين من جية عزيز لاول مره اقابله ويصير بوجهي

باوعتله بنظره اتهام ع عتب بسبب الي سواه بيه بس اني لوحيده الي اعرف ليش راد يعقد علي
اذا امه هواهن الي سحرت امي
وابو اطكع شياطين ع الارض
شترجه من ابنهم

عزيز:-لحضه تاج

عفته ورحت للصاله ادور شوتيه هاي الحل ولربط بأيدها اذا هي تقبل خيون يقبل

دخلت وكفت كبالها..

:-اريد اروح لأمي خلي واحد من لولد يوصلني

شوتيه:-ججج ممنوع تعتبين بيت امج

عيوني صارت تحركني من الدموع

:-بس اني اريد اشوف امي انتِ مالك حق تمنعني

هواهن:-كافي تلبكين طبي جوه واكلي تبن

:-هواهن خلينا محترميج لاتجاوزين عليه

هواهن:- هواهن بعينج ياحيه ام الكمل. بت العايبه انتِ منو وتكليلي هواهن اسمي ام عزيز

هي كالت بت العايبه واني شتعلت ذبيت لبشت وكفيت رداناتي

:-هسه اراويج العايبه شتجيب

سحلتها من حجابها بلقران اطول مني بكومه دفعتها بالارض لتمن بناتها وياها

كضيت بناتها وحده بوحده طبكتهن وشمرتهن ع امهن بوقتها تحولت اني طاحن تلاثتهن صريخهن صار ماله والي

هواهن:-لجج اني تطيحيني صبريلي اليوم اذا ماخليهم يخلون دمج بطولج

كامت تصرخ بعلو صوتها وشكت دشداشتها ودك ع وجها سوته ازرك