انياط الأنتقام

part 13

"فتى فُتن في فتاةٍ فتاهَ
‏وبات بسبب الفتاةِ فتات
‏عن حُبِّها روَى ولا ارتوى
‏قادهُ إليها الهوى فَهَوى
‏ظنها جنَّةً وعلى نفسه جَنى
‏نبضُ قلبه عليلٌ فهزّ يسراه
‏أرقٌ شديد ضرَّ جفناه
‏ ضجرٌ يميل بخده على يُمناه
‏ثمّ عاد إلى ربِّهِ فـ هداهُ
‏ثمّ إذا بربِّه يهديها إياه"

#انياط للانتقام
#الكاتبة من البصاروه

..

جنت كاعده رجل ع رجل اكرز حب ومكابله شوتيه
كاعد تقنبل ع حبايبها اقصد خواتها المعمرات واني وتوحه نستمع بكل اذن صاغيه ونضحك عليهن

نظران ونهران وشوتيه جانن يكصن باختهن نوران

نهران:- ولج شوتيه بلقران هاي فد وحده يعني نعجه ثوله يعني ذول وليداتج من بدمج ولحمج تفرق بينهم

شوتيه:- ختولي هي هاي شنيه حسيب رقيب نسيتي كبل شجانت تسوي تكضيها يم الانهر تواعد ابن الحارس مال مزرعتنا

نهران:- جابت عمرها كله ثوله وتاليها جنت ع نفسها وطاحو بيها هل مساكين تسوي سحر لولدها لخاطر تنتقم من ابوهم شلون عين كويه ولج مو طالعين من بطنج ذول

شوتيه:-فلك الفلكهل ياع لعد شبيها هاي صبيحه ماتكض ولدها انه مجمعه وليداتي ع فادي وابيع الدنيا ومابيها لخاطرهم لو اعرف اسوي العمايل لجل سعادتهم

نظران :-خيه اسكتي اسكتي موش ابنج لفت عليه مسيحيه واخذته من وسط بيتج وحتى لمن صالحج مجاباها يمج

تاج الحسن:- بمممم

توحه:- تفلشت كصة شوتيه ،بيبي نظران تخوف

ام جليل مرت عمو علاوي تصير بت نظران اخت شوتيه

طكيتها ضحكه هي باوعتلي بعصبيه وخزرتني راحن خواتها اجو احفادهن عليهن وحده عايشه بالكرخ
وحده عايشه بالعماره وحده بكربلا مشمرات

بس طلعن شوتيه كامت تردح وتتوعد وتصيح خليجي خيون وخليجي خيون موتتنه

كمنه نساعد ام توحه خطيه مرت عمي علي هي شايله لبيت

ام جليل:- ولجن يلا تعالن نصب

:- خاله شنيه تشتغلين وحدج

ام جليل:- جا شسوي يايمه

:- صبريلي هسه صبري

سرفنت رداناتي اخذت جدر من المطبخ ورحت للصاله الي كاعدين بيها

شلت الجدر وهدكته بالكاع خليت طشارهن ماله والي وصياحهن

شوتيه:- ومرض حتى مرض شهل تصرف الخايس

:- شنو كاعدات نساوين اولادج وهاي المريه المتعوبه وحدها تشتتغل مو خدامه عند لخلفوكم

شوتيه:- وشنو رايده انتِ

:- ولاوحده تكعد هسه كلهن يكومن يساعدنها مو ياكلن ويمسحن ايديهن بلحايط

هواهن:- اكلي تبن عادي شنو تريدين اكوم اساعد هايه الماتسمه