انياط الأنتقام

part 17

" وأَغِث قَلبِي يَا الله فَإنَي وَ قَلبِي
بِغيِر غَيثِك مَا ارتَوينَا ".

#انياط الانتقام
#الكاتبة من البصاروه...

بارت بعد غياب

...

طفرت كتلها

:-شلون شلون عيدي مسمعت

زينه:- اهدء علي

:- شهدء شنو معن هذا كلامج اختصريلي

زينه:- علي انتَ هسه تعبان خلي نأجلها ونسولف بعدين من ترتاح

كزيت ع سنوني:-زينه قسماً عظماً اذا متحجين رح اجي هسه

زينه بتعب:- علي اني اتصلت عليك اريد احجي وياك بالموضوع لانك تفهمني وتساعدني مو تزيدها عليه

بلعت ريكي:- لو مكاني شنو تسوين لمن اجيج اني واكلج البنيه لجنت احبها طلعت تحبني حطي نفسج بمكاني اني بكل مره اشتعل نار واني اشوف لبرود بعيونج ناحيتي واكول اصبر رح تحبك وتبدل نظره عيونها وتشيل من باله

ع العموم القرار قرارج الله يوفقج اني ما اريد اخسر كرامتي اكثر هيه قسمه ونصيب وكلبج مو نصيبي

الكلام الاخير جنت كوه اطلعه من حلكي

مسمعت بس غير شهكتها عضيت ع شفايفي متحسر

:- ليش تبجين مو هذا التريدي

زينه:- بس اني مكتلك اريده ولاكتلك وافقت اني اني محتاره شنو اسوي علي شنو اسوي اني

:- لتحتارين ادري بيج تفكرين اذا اختاريتي رح تحسين نفسج مذنبه ويايي فكتلج اني من البدايه الله ومحمد وعلي وياج اذا راغبته للولد فوتي فالج اني مستحيل اقبل اتزوج وحده كلبها يرف لغيري وتتحسر عليه بالبدايه وافقت جان بالي
بس اعجاب وحب عابر

سديت الاتصال منها ساعة الكشره اي والله ساعة الكشره حطيت راسي بين ايديه

راسي نخبط شسوي اني وين وكعت روحي وين خليت روحي بيا متاههه

لفيت راسي ونمت

مرن تقريباً اربعين يوم هادئات زينه مشفت اي اتصال منها بعد ولا اني اتصلت بيها هو اني
هم حضي عاثر بهل حياه
بقت ع الحب

جرجس يوميه يجي يشوف تاج الحسن احس بينهم رابطة كيميا حلوه هو خوفه عليها وهي خوفها عليه

ذكرت بيوم من المرات بايام الفاتت جنت كاعد اتصل بيه جرجس رفعت جهازي جاوبته

:- الو الواوي

جرجس:- ابو الجون اطفر اخذ تاج الحسن وروح لاي مكان بداعت اخيتك اخذها بسرعه

اريد افهم من عنده شكو مقبل يحجيلي بس كلي شردها طفرت فلشت باب الغرفه يلا فتحته

:- نعم

:- تاج بسرعه حطي عبايه ع جتفج وتعاي وياي بسرعه طلقه ماريدج ثواني تتاخرين