انياط الأنتقام

part 25

قبل لاابلش بالبارت رح اكلكم كلمه وحده بس
اتذكروها من شخص غريب قدمها
الكم وكيفكم بعد

الثقه لاتثقون بأحد ديربالكم تثقون...💔

اقرب ناسك لاتثق بيهم

اليضحكك نفسه اليريد اليبجيك
واليبجيك نفسه اليريد يضحكك

كلام حطو ترجيه او بحلق اذنكم هل كلام ممكن كاله
الكم احد اليوم وسمعتو باجر متسمعو

انه حالياً عايشه ازمة ثقه تعرفون شنو يعني
ازمة ثقه حياتي اذا اريد اكتبها بعنوان

ازمة ثقه مداتحمل كل هل الطعنات
كل الطعنات بسبب غيره وحقد

خلي عينكم ع نفسكم من ناحية الثقه وي كل البشر
اقارب اصدقاء حبيب اخ اخت بالكم من كلشي
بهل دنيا يتعلق بثقه

حتى ليجي اليوم الي كلبكم يوجعكم
بسبب * الثقه *...¡
...

"وكأنّك مدينة ورد في أعماق قلبي ❤️"

#انياط الانتقام
#الكاتبة من البصاروه...🤎
...

تاج**

بهل الايام استمراري بكليتي وقرب موعد اخير السنه مال كورس حتى اخلص من السنه الثالثه

جرجس وما ادراك ماجرجس بقه مصر ع حبه
متوقف عن محاولاته وياي بكل يوم وكل ساعه وكل دقيقه متوقعته لمن اروح لبيت خالو هيج رح يتذكرني ويفقدني
بعد العرس بقيت يمهم يم سمراء بالليل كاعدين بالغرفه نتذكر الي صار بالعرس ونضحك خصوصاً الركص مالتنه وخبالنه رغم كاتلنه لنعاس بس مقاومين

تاج:-شنو ردة فعل عزام من شاف وليد وصلج

:-صخره وحاطتها لا احساس ولامشاعر ومثل مكتلج اني وليد ورح اوافق عليه وخلص عزام صفحه ونطوت من حياتي

تاج:-هذا هو ميحقله بعد يحجي ويكول كلشي بينكم هو نهاه

اتصل تلفوني باوعتلي رفعت حاجبها..
طلعت وسدت الباب..فتحت خط

اجاني صوته متحشرج

:- حرام عليج اقسم بالمسيح

:-سكران جرجس

جرجس:- ماشرب بعد ملاهي بنات عربده هذا بنظرج جرجس وناقص ومو رجال

:- شنو الي بأيدي جرجس

جان صوته صادمني لدرجه حسيته مخنوك
ولازمته العبره

جرجس:-حبيتج ورب المسيح ليش تحبين مشوفيني اتوسلج وهلكد اني مهتملج اني حبيتج مو لعب
فراكج خنكني خنك احس نفسي اريد اشوف تعابير وجهج من تسولفين اريد بس قربج
تتخيلين اني وين هسه

جنت استمع اله جاوبته بخفوت..

:- وين

:- بغرفتج وع فراشج صرت ادور عطرج بالبيت
اريد اضمج بروحي تعرفين شنو انتِ القوه الي
استميدها بيومي نشاطي الي بكل صبح
نظراتج الي تبين الصلابه بس هي كلها حنان
جنت اشوفج شي عابر تالي طلعت غلطان لكيتج ماخذه عقلي