انياط الأنتقام

part 24

صلبة ، صلبة جداً
وكأنها تنتقم من ايام
عاشت بها ليّنة فسُحقت .

#انياط الانتقام..
#الكاتبه من البصاروه 🤎

..

:- اسمي حُلم عمري 19 سنه منبوذه من جميع الاطراف مشموره بشوارع

باوعت ملابسها راقيه حسيتها تجذب

:- بديتي تجذبين

حلم:- جا غير جايحجي الك

:- مو من بغداد

حُلم:- بصره

:- واضح من كلامج

:- اكدر اصير صديقتك كل متجي هنا اشوفك ونسولف

:- وشنو المناسبه الي تخليني اثق بيج

:- اكلك. احس مو لمفروض انه اكلك هل كلام

:- اي هيج شي

:- بداعت ابو حنيفه انه هم حسيت هيج هسه متفقين انه منبوذه وانتَ منبوذ والمنبوذين لبعضهم اخوان

:- انتِ شدسفطين

:- لاتتموع ديربالك

باوعتلها بخزره:-احترمي نفسج زين

:- شدعوه ماتتحمل شقه غير انتو كله دا ومدري شنو وكولش

:- عساس انتو كله شني وجا وتحجون بالججج

:- بس نبقى احنه اصل الهيبه

:- ونبقى احنه رمز الثقافه والوعي

شو هاي طفرت وكفت بعصبيه

:- قصدك احنه معدان مو خليك بعقليتك هاي والله يا الله مايعين وحلكهم يريد يوكع بالكاع ويحجون. انه لو منكم فلا احجي

كامت ترافس منا ومنا فرت راسها تريد تمشي

:- دتعاي شبيج بس تعاركين طفله انتِ

:- مالك علاقه عود ردتك صديقي المنبوذذ بس متستاهل صدك انتَ شسمك

:- علي الهادي

:- كيوت هداوي

باوعتلها مصدوم هاي شبيها

ضحكت وكامت رفعت صبعها الصغير

:- اصدقاء اجيك كل يوميه هنا اشوفك اجيبلك وياي كاكو وكهوه واغير مزاجك اكسب بيك اجر يلا باي

كالت هل كلمات وراحت هزيت ايدي مخبله هاي
بس نستني الاني بي حرفياً

نفضت ملابسي وكمت للسياره شغلتهها ورحت لبيتنه
فتحت الباب صارت بوجهي توته ابتسمت اجت حضنتها الصدري

توته:- علاوي بعدك ضايج

:-لاا عليمن

باوعتلي مقهوره جانت بعقدها لان اقرب صديقه الها
مسحت ع وجهي رحت للغرفه سبحت ونمت باجر وراي شغل