"فتى فُتن في فتاةٍ فتاهَ
وبات بسبب الفتاةِ فتات
عن حُبِّها روَى ولا ارتوى
قادهُ إليها الهوى فَهَوى
ظنها جنَّةً وعلى نفسه جَنى
نبضُ قلبه عليلٌ فهزّ يسراه
أرقٌ شديد ضرَّ جفناه
ضجرٌ يميل بخده على يُمناه
ثمّ عاد إلى ربِّهِ فـ هداهُ
ثمّ إذا بربِّه يهديها إياه"
#انياط الانتقام..
#الكاتبة من البصاروه
...
حضنتها لصدري
:- بعد عيناي ورمشاي شلونج
تاج:- زينه اني مشتاقتلك عريسنا
:- اني اكثر واللهي
راحت شغلت اغنيه لساجده عبيد وكفت بالوسطه تهوس
مبارك عرسك يالهيبه
زوجنا وخلصنا منه
بقت تركص من كل كلبها المخبله صايره كاوليه من الصغر تتمركص واني اكض بيها حتى بشارع تلم الزعاطيط وتركصهم ع اغنية
هز يالكمر جانت تشوف ملاين تركص وتقلدها والله ايام وهسه كاعد تركصلي احتفالاً لان رح اخذ البنيه الاحبها من سنين
كابلتها امي وسميره ويهزن ندفر لباب رحت افتحه لكيت الجعبله كلهم جاين ياسين وسامي وعلي
عطت بيهم
:- خيررر مو هسه لخطوبه
سامي:- انجبب ولك دوني
دفعني وراح كابل تاج خزرتها محذرها ماتعبر حدودها وي الولد محرمين عليها هي بقت بس تتمايل وياه وتصفكله
طبو الباقين وامي خابصه لأمه اهلها كلهم جاين
وهي الجمعه لخطوبه
كعدت الصبح رحت للحلاق احلق شعري والولد يهوسونلي جنت فرحان فرحه ماشاركها لأحد يسوع بصفي الي صارلي مو بس صديق وانما اخ عزيز عليه
يسوع:- وجان رايدها وخذها
جانو الفرقه تردد وراه ويدكون ويركصون اجواء مستحيل انساها بيوم
يسوع:- ولك ها خوتي ها
صاحو وراه كلهم ها
سامي:- اليوم العرس ضلع من ضلوعي
اجه الخال صكر اعتبره خال هذا مو ابن عم امي
صكر:- موش بطياره زحوف اتعنه الداره
زفينه الجان مسربت
مايلفي الا بنص الليل
الباقي كلهن طايحات حضهن الهوسات وكلهن سوالف ياسين وسامي وعليوي حتى يسوع تخبل وصار مسربت
يسوع:- هاخوتي هاا ولك انعل اباا ال
:- يسوع شبيك تخبلت شنو انتَ اجيت للعراق وخاويت ذول وتسربتت
يسوع:- الدم يحنن
هزيت ايدي واخذنه المشيه حتى ولد عم تاج هم اجو جليل ولاء ومعتز جرجس كذلك اصريت عليه يجي
صارت المشيه كلها عراضات مال ناس راقيه
أنت تقرأ
انياط الأنتقام
Romanceتاج الحُسن لست من محبي الانتقام لكن سيأتي يوم ابدع بتصفيه الحساب طفله عراقيه ذات 9 اعوام تعيش مع امها في حياه مؤلمه تذهب في احد الاسواق الشعبية العراقيه وبيدها تحمل اكياس للمواد الغذائيه تقوم ببيعهم لكي لاتضطر للذهاب الى اخ امها وتطلب منه في مثل كل...
