انياط الأنتقام

part 16

مغرم بشعرك الاسود
واهوى سمارك
وعيونك وعقد حاجبك
وضحكتك القمريه
مغرم جداً

#انياط الانتقام
#الكاتبة من البصاروه...🤎

...

باوعت ع الارض ايدي ترجف مصدومه وكعت ع ركبي
تلطخن رجليه اني مصدومه
مرعوبه شعوري معندي شعور غير الفقدان والهلوسه

صرخ بيه عمي عيسى

:- تاججج بويه تاج ولج ام يعقوب لزميها

فصلت حلكي مفتوح مشنج المنظر بشع هواهن تلطم وتخرمش بروحها

عزيز منتحر !!

جانت لسجينه بعدها بأيده محد مبعدها باوعت لجليل كاعد ع الدرج ويبجي نواف يباوع بحقد

جان صريخهم فضيع خيون الجبل منهار وصاير رماد
شوتيه القاسيه واكعه بالارض وحلكها معوج

عيسى:- لكك جرجس اخذها اطلع منا اخذها مارح يرحموها

باوعت باستغراب اني شعليه بس مجان الوقت مناسب واني اشوف انهيارهم شالو الجثه مالته

جانت اوردته مكصصه تكصص لدرجة ايده تريد تنكطع وفوك هذا كله مسدس ضارب بطنه ماكو امل بي يعيش ولو واحد بالميه

سحبني جرجس مو سحبني وانما سحلني سحل فوك جانت ملك دك بالباب وهو قافله عليها

ليار شمرت عليه صايه وحجاب لبسهم الي شلون ماكان واني ايديه خاويه شايفين من تنهبطون ويصير عدكم رخاوه بجسمكم اني احس هل احساس كأنو نشليت

جرني وراه طلعنه من باب الطابق الثالث من لسويت نزلنه لدرج هو يركض ركض ومبين متوتر

صعدني لسياره جانت لدنيا معتمه توها توها تريد تشرق لشمس

ساق لسياره بأسرع معنده

جرجس بلهثه:- يايسوع باعي تاج ركزيلي اصحي مو وكت فصلتج باعي ركزي

محسيت غير راشدي طير فجي مدلي بطل ماي شربنيا

:-وين اخذها هسه اني خرب حضي يا امنا العذراء

حجيت واني فكي يرتعش..

:-اني شنو دخلني بموته والله مسويت شي هو وامه مخططين عليه

:-لج اعرف انتِ مالج علاقه بس تعرفين شنو يعني الغركان يتعلك بكشايه ذول دمهم حار والفقدو عزيز وحيدهم يردون لحجه يبردون كلبهم

لميت رجليه لصدري بخوف لمنظر ميختفي من بالي

رفع تلفونه اتصل ماعرف ع منو

:-الو هلا حبيبي علاوي كاعد؟

:-جايك خوي دخيلك اني

سد الاتصال باوعتله بخوف..

:-وين ماخذني

جرجس:-يم علي لهادي واخته

:-لاجرجس استحي