Paano ko kaya ito masisimulan
Di ko na kasi hinihiling na sana ako na lang
Hindi na rin naman kasi ako umaasa
Pero ito na nga't ako'y magsisimula na
Kung ako na lang sana.
Kung naging lalaki kaya ako'y magiging tayo
Kung umamin agad kaya'y pipiliin mo ako
Ako'y matapang na naghanap ng kasagutan
Ako'y sinagot,sa mga tanong nga lamang
Nandito lang naman ako palagi
Nariyan din naman gabi-gabi
Nalalapitan pag ako'y kailangan
Ngunit kailangang magkailangan
Sana ay hindi ka nahihirapan
Sa tinatahak mong kapalaran
Sinasampal na ako ng katotohanan
Sakit lang ang dulot,hindi sya tahanan
Natapos na ang aking pag-asa
Nadala na akong magpadala
Ng lubusan sa aking pantasya
Narindi sa mga salitang
'Kung ako na lang sana'
