حب نتيجة خطا طبي (تتمة)

الجزء المئتين و الرابع عشر

حب نتيجة خطأ طبي
#بارت214♡♡

بقاو تيشوف فبعض مدة.. زمرد عينيها غرغرو و تتحس براسها طايرة فالسما ممتيقاش بلي دابا منصف اعتارف ليها بالحب ديالو.. فتح ليها قلبو.. دابا عاد بدات تتفهم كلشي.. بلي زواجهم مكانش على الورق ولا عمرو غيكون.. حيت من اول مرة شافها دخلات لقلبو بدون استئذان...

زمرد كثرو عليها الأحاسيس لدرجة حسات براسها غادي تحماق خصوصا فاش تيرمقها بنظرات كلهم حب و حنين..

زمرد: علاش تتشوف فيا هاكا؟؟
منصف: حيت تنبغيك!!(زمرد تتشوف فيه و هو يكمل هضرتو) آه! بلاما تعجبي منصف العمراني تيبغيك! حياتي كاملة وأنا قانع راسي بلي عمرني نبغي شي وحدة.. حيت اول قصة حب كانت فاشلة.. (حط جبهتو على جبهتها) لكن دابا عرفت و فهمت بلي عمرني بيغيت شي حد ولا غنبغي شي حد بخال حبي ليك.. نتي عايشة داخل ديالي و معايا وخا مكايناش.. كل مرة تنشوف ابتسامة ديالك تنحس براسي أسعد واحد فالعالم.. تنغبك و غنبقى نبغيك ديما حتى الموت..

غير كمل هضرتو بدون سابق اندار هجم على شفايفها بقبلة جامحة.. تيعبر ليها على حبو الكبير و اشتياقو ليها.. أما زمرد يلاه تتحاول تستوعب هضرتو حتى صدمها بهاد القبلة لكن دغية انغامسات معاه و جاراه لعندها كثر و كثر تتبين ليه بلي هو ديالها بوحدها ماديال تاشي حد آخر..

بقاو فتقبيل مدة حتى تقطع نفسها و بعد عليها شوية تيلهتو و يردو النفس شوية.. زمرد طلعات عينيها فيه و يديها تتحركها بشوية فعنقو تتحسسو هادشي الحركة لي خلات منصف تطلع معاه التبوريشة.. زمرد عجباتها لبوسة شانقة عليه نارية تبقى غير تبوس فيه الليل كامل.. أما منصف فطامع فماكثر لكن مستحيل يبزز عليها شي حاجة مباغاهاش بغاها تاهي تكون معاه برغبة ديالها ماشي تبزز على راسها غير باش تدير ليه الخاطر..

منصف: زمرد!
زمرد بصوت مثير: اممم
منصف غير سمع صوتها زاد داب فيها كثر و كثر عينيه تعسلو و حاس براسو الا بقا معاها مزال دقيقة خرى غادي يدير شي حاجة لي غيندم عليها من بعد.. حط يديه على يديها لي فعنقو و حيدهم بطبع قبلة على جبهتها و ناض متاجه للباب.. يلاه حلو زخرد وقفات و هضرات بصوت حزين..

زمرد: ياك قلتي بلي تتبغيني!!
منصف سمع صوتها لي ضرو فخاطرو حيت باينة مقلقة و غير دار منظرها كان مغري بالنسبة ليه بقا غير تيشوف فيها و تيحس براسو مغاديش يقدر يصبر مرة خرا

زمرد: بغيت زواجنا يكمل
#يتبع