حب نتيجة خطا طبي (تتمة)

الجزء مئتين و اثنا عشر

حب نتيجة خطأ طبي
#بارت212♡♡

داز الوقت..

ومنصف يالاه وقف بسيارتو فواحد البلاصة فيها غير ديور فواحد الحي...
باركة طموبيلتو وزمرد غير كدور فعينيها..

زمرد: شنو هاد البلاصة؟؟

منصف: معقلتيش عليها... هبطي
حل الباب وهبط كيتسنا فيها تهبط حتى هي.. زمرد لي محاملاش تبقا معاه فبلاصة وحدة خصوصا من داكشي لي شافت منو ولكن مدام جابها لهنا وإنما باغي يهضر معاها..

هبطات كدور عينيها بان ليها منصف غادي تبعاتو حيت كاين الضلام مقدراتش تفرز فين هما...

دخلو لواحد بارطمة شعل منصف ضو وهنا توضحات ليها الرؤية كانت نفسها الدار لي جابها ليها نهار اللول منين حاولات تنتاحر عقلات عليها مزيان حيت فهاد الدار عاشت اسوء فترة من حياتها...

زمرد:علاش جينا لهنا؟؟

منصف: باش نهضرو من صباح ونتي تهربي مني شحال قدك كاع

زمرد: فاش غنهضرو انا مباغة نهضر معاك والو داكشي لي خاصني نفهم فهمتو..

منصف: داكشي لي شفتيه مامنو والو.. نتي راكي فهمتي غلط راه غير كب...
قبل ميكمل هضرتو قاطعاتو زمرد كتغوت...

زمرد: بلااا متحاااول تننكر رااني شففت كلشييي بعينيي اش غاااادي تشررح مزاااال اصلااا مامرة ماجوووج ديماااا كدوور بيك وجبتيهاااا حتى الدااار وشفتكم فالشركة كلشييي واااضح واليوم فالصباااح..(غمضات عينيها بألم) اليوم عوتاااني لقيتك تقربتي منها.. اش غااادي نفهم مزااال حيااتك هادييك دير ليي عجبك كنقوولها ونعاااودها زوااجنا على الورااق درتي فياا خير مغاديش ننساه...

منصف(صعراتو): سكتييي اااش كتخووري عليااا؟؟  نتي هناا مفاهمة واالو خليني غير نهضرر..

زمرد بعصبية: اااش غااادي نفهم امنصف اممم اش غاادي نفهم... شحاال من حاجة غمضت عليها عيني وديك البنت لي كانت فالافتتاح ديال إياد حتى هي نكرتيها؟؟ ماشي هي لي تلاحت عليك كتسلم عليك وتعنق تا هادي فهمتها غلط... كنضن قلت داكشي لي عندي رجعني للدار...

منصف: و أنا باقي مقلت داكشي لي عندي... ديك البنت خوات ليا القهوة على قميجتي وكانت كتعاوني نحيدها..

زمرد(ضحكات بإستهزاء): ياااك اسيدي اممم مسكينة بغات تعاونك تحيد القاميجة (هضرات بالغوات والدمعة فطرف عينيها كتحاول متبينهاش) اااناااا لي انا ويااك مزووجين عمري قربتت منككك وفااصباح لقيتك كتباوس معاهااا متنكرهاشش امنصف عاافاك!! راااه كلشي شفتوو بعيني وهاد الهضرة لي قلتي مكدخلش العققل ضحك عليها على شيي وااحد اخر ماااشي انااا فهمتيي ولكن الغلط مني انااا لي قبلت نتزوج بوااحد مبيني وبينو والو والغلط منيي انااا ومن قلبيي لي بغااا وااحد عنندوو كلشي لععب ولكن صاافي هاادشي مداايمش إلى بغيتي تسهل عليا وعليك الاموور من غدا نطلقووو...

كلمة طلاق لي قالتها زمرد فلحظة غضب حسات بيها بحال الى خشيتي ليها خنجر فقلبها كتحس براسها باغة تغوت وتخرج كاع لي فقلبها.. باغة تقوليه بلي انا باغاك ليا بوحدي.. باغة تقول بلي مبغات تاوحدة تقرب ليه وبزااف ديال الحوايج كاتماهم كتحس بقلبها ضرها ودموعها مقدراتش تحبسهم كتر من القياس حيدات من قدامو ومشات كتجري للبيت...

#يتبع...