حب نتيجة خطا طبي (تتمة)

الجزء مئتين الثالث عشر

حب نتيجة خطأ طبي
#بارت213♡♡

اما منصف لي بقا مركز معاها ومع دموعها لي كيشوف فيهم باغة تحبسهم وكفاش كتهضر معصبة وكلمة وحدة لسقات ليه فدماغو هي"بغيتك" هادشي لي قدر يفرز من هضرتها كاملة متوقعش كاع المبادرة تجي منها وتقولها..

بانت ليه مشات البيت دوز يديه على شعرو بعصبية وضرب رجليه مع الطابلة ديال زاج كانت انا حتى تشتتات كاملة بقا غادي جاي كفاش غادي يشرح ليها ويبرر ليها بلي مكاين والو من داكشي لي فدماغها...

عند بالو هو بلي مغاديش يبقا فيها الحال لديك الدرجة ملي سلمات عليه ديك البنت من الوجه.. ولكن تصدم من كترة الهضرة لي كانت مخبياها وفظرف من تانية خرجاتها كاملة رماتها بحال السم على قلبو لوكان يرجع زمان اللور ميشوف فحتى وحدة من غيرها...

شاف بلي هاد التفكير مغينفعو فوالو وقرر يمشي عندها لربما تكون تهدنات وهو حالف ميخرجو من هاد دار حتى يتصلح كلشي للأحسن...

تقدم بشوية جيهة الباب حط ودنيه كيسمع فشهقاتها لي كيضروه فخاطرو.. تنهد مطول وحل الباب بشوية بانت ليه هازة وسادة خاشية فيها راسها وكتبكي...

تقدم عندها جلس قدامها مد يديه طلع ليها راسها بيديه وهي كتهرب راسها مخنزرة....

زمرد بصوت حاد: حيد يديك عليا!! سير لعندها و كمل داكشي لي بغيتي!!
منصف بقا تيشوفها شوفات دوبوها: و لكن منصف بغاك نتي!! نتي لي بغيت ا زمرد!! تاشي حد آخر غير نتي

زمرد لي غير تتشوف فيه صدمها بالحواب ديالو معرفاتش شنو تقول ليه.. بقات غير ساكتة.. منصف اعتابر السكوت علامة الرضى و قرب منها حط يديه على خدها و بدا تيمسح ليها الدموع لي تيهبطو ..

منصف بصوت هادئ: متخايليش شحال كرهت راسي حيت هاد الدموع تيهبطو بسبابي!!
زمرد غير تتشوف ممستوعباش بلي لي قدامها منصف و هادشي تتسمعو من عندو.. عاد النظرات لي تيدير فيها لمساتو على وجهها و هو تيمسح فالدموع.. و صوت الرجولي الهادئ لي تيخلي داخلها يترعد..

منصف قرب ليها كثر و كثر: انا تنبغيك أ زمرد! بغيتك من أول مرة شفتك فيها.. مفكرتش جوج مراات و قربت منك هضرت معاك! و فاش تلاحيت موراك عرفتك بلي نتي هي البنت لي غنفديها بروحي..

بقاو تيشوف فبعض مدة.. زمرد عينيها غرغرو و تتحس براسها طايرة فالسما ممتيقاش بلي دابا منصف اعتارف ليها بالحب ديالو.. فتح ليها قلبو.. دابا عاد بدات تتفهم كلشي.. بلي زواجهم مكانش على الورق ولا عمرو غيكون.. حيت من اول مرة شافها دخلات لقلبو بدون استئذان...

#يتبع