حب نتيجة خطا طبي (تتمة)

الجزء مئتين و واحد و اربعون

حب نتيجة خطأ طبي
#بارت241 والأخير..

بـــــعــــــد مـــــــرور 3 ســـــــنـــوات

جالسين مجموعين على طاولة قدها قداش شادة من القاف حتى القاف العائلة كاملة مجموعة ضاحكين وناشطين والوليدات ضايرين بيهم كيجريو ويلعبو...

حتى جات زمرد لي لابسة كسوة طويلة وزيف فوق راسها كتجري هازة طبسيل فيديها وتعيط على وليداتها تابعاهم من اللور.. اه زمرد لي رزقها الله بتوأم ولد وبنت ..سماتهم إبراهيم وفاطمة على سمية واليديها الله يرحمهم...

زمرد: إبراهيم... فاطمة اجيو عند ماما تعطيكم تاكلو اجيو.
تمو جايين عندها جوج وليدات باقي صغيورين 3 سنين فعمرهم البنت ملبساها كسيوة فالغوز والولد لابس تريكو وسروال.. جاو الولد مشا عن زمرد والبنت طلعات فوق فخد منصف لي جالس كيلعب معاهم.. ومع ولد رانيا حتى هو واحد الجو زوين...

مورا ديك الدار فواحد الكرسي جالس أمجد وسارة وسط منهم بنتهم كتلعب معاهم وفرحانين قاطعهم أمجد

أمجد(كيشوف فسارة): احسن حاجة درتها هي تزوجت بيك.. كنبغيكم...

سارة(عقدات غوباشتها): كفاش كتبغينا امم؟

أمجد: نتي وبنتي..

سارة ضحكات وهزات بنتها فيديها لي باقي صغيرة..
سارة: يالاه غيكونو كيتسناونا.. ناض امجد وتمو كيتمشاو بشويا عليهم وكيتمنضرو فداك الربيع لي داير بيهم...

وصلو ولقاوهم مجموعين كاملين على الطابلة ديال الغذا حتى نطق منصف مقاطعهم..

منصف: احم تسناو واحد الشخص يجي..
كلهم كيسولو شكون هاد الشخص حتى تمات داخلة من الباب سيلفيا بطالونها كتقرقب وشعرها مطلوق وراجلها جنبها شادة ليه فيديه..

كلشي ستغرب اش جات دير هنا وحتى من زمرد لي عقدات حجبانها..

زمرد: منصف اش جات دير هادي هنا؟

منصف: زمرد بلا مديري شي حاجة جات غير تهضر وتمشي.

قربات سيلفيا وقفات عليهم راسما ابتسامة على شفايفها...

سيلفيا: سلام... غتكونو كتساءلو اش جيت ندير هنا.. جيت غير باش نطلب منكم سماحة وخا مغاديش تسمحو ليا منبعد داكشي لي درت عارفة ونعاود نطلب منكم سماحة خصوصا نتي ازمرد سمحي ليا غلطت فحقك...(بتاسمات) خليتكم على خير..
بتاسمات ليهم وتمشات خارجة هازة راسها الفوق خلات كلشي مصدوم..

نقزات زينب: اا واش سيلفيا هادي لي كطلب السماحة العجب!
محسات غير بشي قرصة جاتها لفخضها ضارت عند إياد لي جالس جنبها..

زينب: شنو مالك؟

إياد؛ تبتي شوية كطيري...
إياد لي مشا وخطب زينب لكن باقي متزوجو 3 سنين هادي صابر عليها باش تكمل قرايتها ويتزوجو...

كلاو فجو زوين عامر بالضحك.كلشي ناشط مع ولادو وعائلتو زمرد لي كتشوف فمنصف وهو كيلعب مع ولادو فكل مرة كتشوفهم كتفرح عطاها الله راجل اضحي على قبلها ويدير المستحيل ورزقها بجوج توام اش بغات مزال نطقات بينها وبين راسها" الحمد الله"..

وسارة هازة
بنتها فيديها وأمجد حداهم كيتصورو باش ابقاو ذكرة ليهم...
مقاطع الجو ديالهم غير صوت إياد...

إياد: سمعوووني كاملين بالأخص نتا معاذ..

معاذ: اش ناوي تقول هضر؟

إياد: كلكم مزوجين مع ولادكم وعائلتكم مبقيتش فيكم انا وعطيوني مراتي...
مع كملها طلقوها كاملين بواحد الضحكة.. كيضحكو على الطريقة باش قالها بالأخص زينب حشمات وفنفس الوقت ضحكات..
قرب إياد جيهتها جرها عندو كيهضر ليها فودنيها...

حتى سمع معاذ كيعيط ليه..
معاذ: هييه بعد منها تاتكون مراتك بعدا..

إياد: اوا غير إلى مبغيتوش وصافي...
بقاو مجمعين مدة وهي تعيط عليهم رانيا...

رانيا: وتجمعو نديرو تصويرة مجمعوعين.. اجيو..
جاو كاملين جلسو والوليدات الصغار دايرين بيهم ضاحكين وتخدات ليهم تصويرة جماعية كلشي كيضحك وفرحان....

#نـــــــهـــــــــايـــــــــــة.