حب نتيجة خطا طبي (تتمة)

الجزء مئتين و ثلاثون

حب نتيجة خطأ طبي
#بارت230♡♡

رما ليه هضرتو ومشا خارج مخليهم مفاهمين والو..

اما زينب الشيء الوحيد لي فهمات من هضرتو هي باباها باينة غيكون مريض داكشي علاش معاذ سمح ليه ابقا معاهم..

ناضت من حداهم داخلة لبيتها كتحس بالضيم طايح عليها و قلبها مزير

زينب عينيها مغرغرين: يارب تحميه و طول فعمرو!!

بقات غادة جاية فالجناح ديالها و النفس ديالها تيديق مقدراتش تبقى فبيتها ولا فالدار تاجهات للدريسينگ لبسات مونطوها و خرجات من الدار..

نمشيو عند اياد
كان فواحد الريسطو مع بعد العملاء تيشرح ليهم الخدمة كيفاش غادي تكون.. فرحان بالانجاز ديالو و أخيرا ولات عندو شريكة.. الحلم ديالو تحقق.. بقا معاهم مدة ساعة ونص حتى قادو الشغل عاد استأذنو و كل واحد مشا فحالو..

خرج اياد من ريسطو فرحان و ركب فطونوبيل لي شرى مؤخرا فرحان بيها.. و تاجه لبتي فيلا لي كرا

دازت مدة
بانت ليه زينب جالسة فطروطوار و تتبكي
اياد: واش خت معاذ هادي؟؟

وقف طونوبيل تيحقق فيها..
نرجعو لور شوية
زينب خرجات من الدار و بقات تتمشى مدة و عينيها تيهبطو منهم الدموع حتى عيات و هي تجلس فطروطوار و تتبكي بحرقة.. طلعات راسها بانت ليها واحد طونوبيل واقفة و مولاها تيشوف فيها.. تخلعات..

اياد سطاطيونا طونوبيل جنب و هبط منها متاجه لعند زينب لي غير شافتو تنهدات براحة.. اياد قرب ليها و جلس حداها فطروطوار

اياد: تتجي خايبة و نتي تتبكي!
زينب بقات غير ساكتة و تدور عينيها
اياد: ياك نتي خت معاذ؟؟

زينب حركات راسها بآه

اياد: عرفتيني انا شكون؟
زينب حركات راسها بلا

اياد: واش نتي زيزونة؟
زينب حركات راسها بلا
اياد: وعلاش متتسمعينيش صوتك؟

زينب مسحات عينيها من الدموع بكمام يديها.. و بقات تتشوف فيه مدة و حتى هو بقا تيشوف فيها و قلبو بدا تيضرب بالجهد.. عمرو شاف بحال الحمال ديالها لي جديو من اول يوم شافها فيه..

اياد: واش مغادي تقولي والو؟

زينب هزات كتافها و ناضت من حداه.. تمشات و خلاتو جالس و الابتسامة فوجهو

اياد: على الاقل قولي ليا غير سميتك!!

زينب دارت عندو: زينب!!

غير كملات هضرتها رجعات تمشات بعيد عليه راجعة للدار.. و حتى هو رجع للطونوبيل و ركب فيها.. بقا تيشوف لقدام ساهي و كلمة وحدة تتخرج من فمو..

اياد بهمس: زينب!

من بعد ديمارا طونوبيل متاجه لدارو...

#يتبع

#شنو بان ليكم؟ واش ادريس غادي يتعالج من المرض ديالو ولا لا؟ واش غادي يموت؟ سارة واش غادي تكتاشف شنو دار امجد لزمرد؟ و اياد و زينب واش غادي يتلاقاو مرة خرا؟؟

#تنتمنى لكم قراء ممتعة بغيت نشوف اشهاراتكم لي تتشجعني و تتحفزني على الكتابة 🥰🥰