حب نتيجة خطأ طبي
#بارت216♡♡اصبحنا و أصبح الملك لله
عند رانيا و معاذرانيا كانت ناعسة و معاذ خارج يمشي للخدمة قرب ليها و باسها على شفايفها و هي تحل عين و سادة عين..
رانيا بعصبية: حرام عليك!! علاش مفيقني؟؟
معاذ: نتي عارفة متيكون نهاري زوين الا مبستكش قبل منخرج
رانيا بالغوات: و انااا تحرم عليااا النعاااس؟؟ حشووومة عليك ا معاذ راك عيقتي عليا هاد الايام بزاااف ..
ناضت طافجة خلاتو مفاهم والو تنهد و خرج من تماك هابط لتخت باش يفطر.. كانت ماماه و ختو فايقين تيتسناوه لفطور.. جلس معاهم كانو فرحانين.. حيت حفصة قالت لبنتها بلي شاكة فرانيا حاملة.. ففرحو بزااف و لكن باقي مقالو لمعاذ والو..معاذ: صباح الخير!
حفصة: صباح الخير ا ولدي! رانيا نعسات مزيان؟
معاذ: اه! راه فاقت يلاه دابا
زينب: عنداك تكون نتا لي فيقتيها؟
حفصة: لا لا معاذ ولدي ميديرهاش! شوف راه مهم ليها ترتاح ملي تشوفها ناعسة غير خليها ا ولديمعاذ غير تيشوف مفاهم والو شوية و هي دخل عليهم رانيا معصبة باينة غير من التخنزيرة لي دايرة.. حفصة لاحظات هادشي..
حفصة: بنتي مالكي؟ واش حاسة بشي حاجة؟
رانيا بعصبية نطقات: ولدك أ خالتي!! ولدك السباب ممخلينيش نعس فخاطري خاصو ديما ينكدها عليا!!( دغية تقلبات و بدات تتبكي بحرقة بحالا ميت ليها شي حد) حشومة عليه شنو بغا عندي علاش مفيقني على النبوري
معاذ غير شافها كيفاش تتبكي و تتشكي لحفصة عليه تصدم.. معرفهاش گاع علاش تعصبات لهاد الدرجة..معاذ: واش من نيتك؟؟ دابا انا وليت غير منكدها عليك؟؟
رانيا: شفتي ا خالتي!! شفتي كيفاش تيتعامل معايا؟
حفصة تتغمز معاذ باش يسكت و شافت فرنيا
حفصة: صافي ا بنتي مغاديش يعاود يديرها! (دارت عندو تتشوف فيه) ياك أ ولدي
معاذ: مفهمتش ا مي واش نتي معايا ولا معاها؟ و اصلا شنو درت ليك انا اصلا ا رانيا؟؟
رانيا ناضت بالزربة معصبة يلاه غتجاوبو و هي تسخف.. معاذ وجهو طار منو اللون بالخلعة فاش شافها طاحت قدامو.. هزها و حطها فواحد السداري..حفصة: زينب سيري جيبي كاس دبال الما ا بنتي..
معاد تيطبطب على وجه رانيا و هو مخلوع عليها.. زينب مشات باش تجيب كاس ديال الماء لرانيا..#يتبع
أنت تقرأ
حب نتيجة خطا طبي (تتمة)
Romanceتقديم 🙋🏻♀️جيت ليوم و جايبة ليكم الجديد قصة رومنسية لي نتمنى تنال الاعجاب ديالكم🥰🥰 القصة بعنوان: ❤️❤️❤️حب نتيجة خطأ طبي❤️❤️❤️ القصة ما طويلة ما قصيرة لكن تتجمع بين 💥#الحب 💥#الغيرة 💥#الظلم 💥#الندم 🔥🔥🔥 و بزااف ديال الحوايج خرين لي نخليكم ن...