حب نتيجة خطا طبي (تتمة)

الجزء مئتين و الرابع و الثلاثون

حب نتيجة خطأ طبي
#بارت234♡♡

ناضت زمرد من بلاصتها دخلات دوشات لبسات حوايجها كانو عبارة على سروال تجين اوفر سايز فالزرق وقميجة بيضة هابطة مع سبرديلة دارت ميكاب خفيف.. ولات كتجنب تلبس اللباس المعيق وتكتر الميكاب..

صافي هبطات التحت وخرجو نيشام باش افطرو على برا..
ركبو فالسيارة وديمارا منطالق موقف غير قدام واحد الكافي جات وسط المدينة نزل هو وياه وعينيه كيدورو كيف الصقر كيشوف ياك مكاين شي واحد.كيشوف فيها...

دخلو الداخل طلبو شنو بغاو وجلسو افطرو..
داز الوقت تقريبا ديك 3 تاع العشية وزمرد عاد رجعها منصف للدار ومشا هو للخدمة لقات الياقوت فالصالون كتهضر فالتيليفون وفرحانة عاد نتابهات لزمرد لي داخلة..

الياقوت(بفرحة): هاا هاهي زمرد جات.. اجي زمرد قربي..
قربات عندها وكتسنا فيها شنو تقول..

الياقوت: غيولي عندي حفيد رانيا عندها وليد..
زمرد سمعاتها وفرحات ليها شدات من.عندها التيليفون باركات ليها وهي فرحانة...

زمرد: رانيا مبروك عليك الله يفكك على خير اختي..

رانيا: امين العقوبة ليك نتي وخويا نشوفو وليداتكم..
بقاو مجمعين شويا ورجعات ليها اليتيلفون وتمشات داخلة لبيتها...

بدلات حوايجها وجلسات كتبقشش قالتيليفون حتى طلعات ليها ابيل فيديو من عند سارة بتاسمات حيت شحال هدا مبقات هضرات معاها..

جاوبات زمرد..
زمرد: سلام سارة صافا؟

سارة:(بصوت عيان)  اودي حريرتي حريرة..

زمرد: اويلي مالك واقعة ليك شي حاجة؟

سارة(كاتمة دموعها): درت اكبر غلط فحياتي ازمرد..

زمرد(بشك): اش درتي..

سارة معرفات كفاش تبدا ليها الموضوع بقات تنهد مدة عاد تشجعات وقالتها جيت كان خاصها شي حد لي تعاود ليه وتفش عليه قلبها وتعرف الحل لهادشي..

سارة؛ خسرت شرفي ازمرد هئئىىئ انا خسرت شرفي هئئىئ..

زمرد وسعات عينيها على حدهم كتندب كون كانت حداها كوم ريشاتها..

زمرد: اويلي الصكعة اش درتي اويلي هادو ماشي فعايلك اسارة واش غتاصبك واش دار ليك شي حاجة وشكون هاد شماتة وهضرييي..

سارة: عئئىئ لا ازمرد كون غير كان اغتصاب هئئىئئ اما عضبت راسي بالإرادة ديالي هئئىىئ ديك التقة لي كانو دايرين فيا واليديا خسرتها هئئىىئ اشنو غندير دبا ازمرد..

زمرد كتحاول تهدن فيها مباغاش تزيد على مابيها..
زمرد: صافي متبكيش عندك حل واحد هو اتقدم لداركم وتزوجو.. اجي بعدا نتي.

سارة: شنو..

زمرد: واش كتبغيه؟؟ واش كاينة بينك وبينو شي علاقة؟؟

سارة سكتات مدة كدور هضرتها فعقلها واش كتبغيه؟ هادي هي الجملة لي كتفكر فيها...

سارة: معرفتش..

زمرد(تعصبات): اويلي على معرفتش واش نتي بعقلك متقوليش ليا خسرتي شرفك مع واحد مابينك وبينو والو..

سارة: زمرد باي منبعد ونهضرو اختي وخلي هاد الهضرة بيناتنا عافاك...
قطعات عليها تيليفون زفات بيه كتحس براسها غيطرطق عليها كتحس براسها هازة هم كبير...

#يتبع...