حب نتيجة خطا طبي (تتمة)

الجزء المئتين و التاسع عشر

حب نتيجة خطأ طبي
#بارت219♡♡

معد مرور بضعة أشهر
🇫🇷فرنسا

كان الحفل ديال التخرج ديال سارة.. سارة فرحانة بزااف حيت و أخيرا القراية سالات دوزات ايام زوينة لا فالجامعة لي فالمغرب لا فالجامعة ديال فرانسا.. و قضات أيام زوينة مع باباها.. لكن دابا تفكيرها كولو فحاجة وحدة "واش تبقى عايشة ففرانسا و تخدم فيها ولا ترجع للمغرب؟" ..

دخلات لواحد القسم فين كاينين اللبسات ديال التخرج و خدات وحدة لبساتها.. خرجات من تماك و مشات جلسات حدا باها لي كان فخور بيها و داكشي باين من عينيه.. حتى ماماها كانت معاها و باين الفرحة فعينيها..

سعيد: سارة! جيتي زوينة ابنتي !! صافي دغية كبرتي؟
رحمة: راه بنتي كبرات.. نتا لي مكنتيش تتشوف.. تابع حوايج خرين اهم من بنتك!
سعيد : انا ناسي بنتي؟؟ مكاينش عندي شي حاجة اهم منها!!
سارة: صافي عفاكم مدابزوش هنايا ليوم نهاري و انز تنبغيكم بجوج !!

سكتو مبغاوش يخسرو نهار بنتهم لي جاين على قبلها و هما فهورين بيها علات ليهم راسهم لفوق خصوصا و هي جات الاولى فالدفعة ديالها..

الكل جلس فبلاصتو تيتسناو يبداو..

وصلات ستة ديال لعشية
عاد بدا حفل التخرج ناضال مدير ديال المدرسة قال الكلمة ديالو و هنأ الطلبة لي تخرجو فجميع الفروع.. من بعد جاو بعض الشخصيات المهمة لي تخرجو من نفس الجامعة باش يديرو خطاب تخفيزي للخريجين ديال الجامعة..

داز الوقت
سارة بدات تتحس بالملل حيت غير خطاب ورا خطاب.. هزات راسها فاش سمعات صوت مغريبش عليه.. صوت لي هادي اشهر مسمعاتوش و مستحيل تنساه.. صوت ديال أمجد لي هو واحد الشخصيات لي تخرجو من الجامعة.. غير افتو ابتاسمات بدون شعور.. علاش لا و هي ولات تتحلم بيه و تتشوفو فكل بلاصة تيهضر معاها و تهضر معاه ولات مهووسة بيه.. وخا عارفة فقرارت نفسها بلي مغاديش تعاود تشوفو مرة خرى ولا هو غيعاود يبان قدامها.. لكن داكشي لي عاشتو معاه عاد صحاباتها لي تيزيدو يكبروه فعينيها خلاوها تبغيه..

سارة كانت فقمة الفرحة و تتشوفو و هو تيلقي الخطاب بحال شي ملاك نازل من السما الكاريزما و الابتسامة لي متتفارقوش  هو تيهضر.. بقات ساهية فيه حتى سالا الخطاب عاد وعات على راسها شنو كانت تدير.. دارت مع جنابها تشوف واش شي خد رد البال لقات تقريبا گاع لبنات حالين فمهم فيه بحالها.. زيرات على يديها حاقدة..

#يتبع