البــارت الثامن والعشرون من رواية
"زوجتي الهاربة" الجزء الاول
✨♥️✨_____________✨♥️✨
في صباح اليوم التالي _ من بعد أن أشرقت الشمس بنور ربها وظلت ساطعة في السماء الصافية النقية من الغيوم وكأنها تدل على بداية معركة ضد الظلام والفساد
استيقظ صخر وهو كعادته قبل أن يتحرك من فراشة أشعل ضوء الإنارة الخافتة ليجد مبتغاه ثم فتح الإنترنت، يتصفح عن الأخبار اليومية؛ لكنه فجأة انتفض من فراشه وظل يصرخ بأعلى صوته كالمجنون ويُزمجر غاضبًا كالاسد الهائج برجاله هنا وهناك ...
تسير تلك الماكرة برفقة صديقتها يتمتمن ويضحكن بخفوت على الطريق العام لتقول آيات بهمس .. شوفتي إزاي السوشيال ميديا انقلبت على اللي اسمه صخر السباعي من بعد اللي نشرناه أنا وانتي ؟!
ضربتها ريتاج بخفة مردفة بحدة .. حسك عينك تجيبي سيرت الموضوع ده في أي مكان عام أوعي
ثم أخذت تنظر حولها مثل السارق
لتسترسل بوعيد .. ولسة لما أقدر أكشف هويته الحقيقية واللي عمله في ماضيه الأسود
ايات بخوف .. خلاض بقى اسكتي
هندخل الجريدة اعملي نفسك متعرفيش حاجة
دخلتا مقر عملهن فوجدن الجريدة قائمة على قدمٍ وساق، والمدير ثائر كالثور الهائج، وما إن رأهن صاح عليهن بأن تتقدمن نحوه
ريتاج بتذمر .. ابتدينا بقى من اولها
آيات .. شكلنا اتكشفنا يابومة
رمقتها ريتاج بغضب .. اخرسي يامصيبة هتفضحينا
توجهن إليه والقلق جالسًا على قلبهن الذي يدق بشدة من شدة خوفه، لتبتسم له ريتاج بمجاملة مردفة بتوتر .. صباح الخير استـ...
قاطعها مديرها مردفًا بصياح .. خير اي ده اللي هيجي على أول الصبح ! انتو مشفتوش اي اللي منشور على النت ؟ ده الباشا صخر هيخرب الدينا على اللي ناشر المقال ده عنه وجاية تقوليلي خير ؟!
آيات بمراوغة اردفت بتلعثم .. ليه كفانا الله الشر، اي اللي حصل ؟
صفع المدير بيده الغليظة أحد المكاتب جواره مردفًا بأعلى صوته وقد برزت عروق وجهه ورقبته النافرة من شدة غضبه .. اسمعوني كلكم، اللي هيقدر يجيب اللي اسمه قنديل البر ده من قفاه انا هرقيه وهديله مكافئة مالية + إجازة مفتوحة لمدة سنة
ابتعلن ريقهن بصعوبة بالغة وهن ينظر لبعضهن بخوف شديد لتردف ريتاج بخوف شديد .. هو للدرجة دي الدنيا مولعة !
= ده صخر السباعي خارب الدنيا وحالف لو محدش جابله خبر اللي اسمه قنديل الزفت ده هيولع في كل صحفي يكون مشكوك فيه وأنا معنديش إستعداد أضيع تعب السنين اللي عدت من عمري عشان سي قنديل زفت ده
أنت تقرأ
كود2526 (الجزء الثاني من زوجتي الهاربة)
Mystère / Thriller# 5 ريتاج 7 _ 16 # 5 الهاربة 7 _ 16 # 2 الهاربة 7 _ 30 # 5 مشاكسة 11 _ 8 # 6 قيس 11 _ 8 # 2 تار 2022 _11_ 14 سجلت الارقام بتاريخ 1 فبراير 2024 { البارت الثامن عشر } # 2 الهاربة # 4 ريتاج # 4 مشاكسة # 5 قيس # 6 تار هما من اصل عائلة صعيدية حكم عليه...
