عاشقه في وجار الذئب

Part"1"

#البصره
7:30# صباحاً
......................

# إيليا

.نايمه نومت أهل الكهف سمعت صوت ماما تكعدني لان اريد اقرأ عندي امتحان رياضيات طبعا احنا نهايه الامتحانات

. إيليا : كعدت ماما

. نورس : كعدي ماما صار هوايه اكعدج ومجاوبين عبالي بيج شي كعدي يروحي سويتلج ريوك

. إيليا : صباح الخير الاحلى ام بدنيا

. نورس : صباح النور يعافيتي كعدي يلا ابوج منتظرج حتى يوصلج ويروح لدوام مالته

. إيليا : اي ماما جايه وراج

. طلعت ماما وأني جهزت نفسي لان دخلت دوره  يم الاستاذه كلشي منفتهم من مدراساتنه يشروحن ألنه المواد بسرعه وكلشي منفهم

. لبست بنطرون ثلجي وقميص اسود وحجاب نيلي وصايه وخليت مسكاره وحمرا خفيفه لبست حذاء رياضي ابيض نزلت جوا

. إيليا : صباح الخير بابا

. ناصر : صباح النور يعيون ابوچ

. كعدت وبلشت اكل وصفنت كلت شوكت اخلص امتحانات حتى ارتاح وانام فزيت ع صوت بابا

. ناصر : يلا بابا إذا خلصتي حتى نروح راح اتأخر ع دوامي

. إيليا : اي بابا خلصت بس اجيب جنطه

. صعدت جبت الجنطه وتلفوني ونزلت وصلني بابا للمعهد وراح ودخلنه وبلش الاستاذ يشرح ألنه احس نفسي جنت بعالم ثاني من شرح ألنه احس اول مره اسمعها منه هاي المواد لان المدرسات ميشرحن بتفصيل خلصنه وطلعت انتظر بابا اتأخر دكيت عليه ميجاوب نتظرت بربع ساعة واجه صعدت

. إيليا : بابا ليش تأخرت عبالي صاير شي

. ناصر : لا يروح ابوچ ماكو شي

. وصلنه للبيت دخلت بدلت ونزلت اساعد ماما بل غده سوينه تمن ومركه بأميا سويت زلاطه ولبن صارت 12:10 أذن الاذان صلينا.

. إيليا : ماما لعد اخواني وين مشفتهم

. نورس : راحو لبيت جدچ من رحتي للمعهد

. إيليا : لعد خلي نروح صار هوايه مرايحه الهم من قبل لايصير حمورابي ملك للعراق

. نورس : ياا وانتي وين ملحگه ع حمورابي

. إيليا : هاي شبيج ماما هسه شوكت نروح

. نورس : خلي يجي ابوچ ونروح

. ورا نص ساعه اجه بابا تغدينه وغسلت لماعين وسويت لهم چاي ورحت بدلت لبست تراك وفوگه صايه وحجاب خليت مسكاره وحمرا وعطر  وكلاده حبيبي لي متفارگني وأخذت تلفوني ونزلت