عاشقه في وجار الذئب

Part"17"

#إيليا
. فزيت ع صوت الأذان فتحت عيوني شفت الأوس نايم ع بطنه تمغطت خليت ايدي ع ظهره تقربت بست خده كمت رحت للغرفه اخذت منشفه ورحت للحمام سبحت ونشفت شعري رحت للغرفه لبست ثوب قصير لونه نيلي رحت توضيت وصليت رحت نضفت البيت غسلت ايدي ورحت خليت حمرا فليت شعري وصبغت اضافيري لون احمر طلعت وكفت ب الباب اباوع الأوس شلون نايم تقربت من يمه كعدت بطرف الجربايه خليت ايدي شعره امسح عليه تقربت بست ظهره كمت رحت للمطبخ سويت سمج مشوي وتمن احمر ولبن وزلاطه رحت دخلت للغرفه شفته بعده نايم مهان عليه اكعده بس شسوي مشتاقتله رحت نمت بصفه وهمس بكلمات

. حبيبي
. أوسي
. روحي
. اكعد حبيبي كافي نوم
. شفته تحرك تقربت منه بسته بشفته فتح عيونه بنعاس تقرب مني بأس شفتي خله راسه ع صدري حجيت

. إيليا : اكعد حبيبي

. الأوس : وچ خليني نايم تعبان حيل

. إيليا : مشبعت نوم سويتلك سمج مشوي وتمن احمر لي تحبه

. الأوس : شنو رايج تخلي عشه

. إيليا : ليش يعني

. الأوس : تعبان بابا مابيه اكوم

. إيليا : بس اني مشتاقتلك

. الأوس : يابعد حيلي تعالي نامي بحضيني وعوفي الاكل بعدين

. إيليا : نام انت

. الأوس : ليش بربوگ

. إيليا : أني ماريد انام اريد اكل خاف ابني يجوع

. شفته طفر وبقه فاتح عيونه بصدمه تقرب خله وجهه بوجهي وحجه

. الأوس : عليج العباس صدك

. إيليا : شنو حبيبي

. الأوس : انتي حامل

. إيليا : لا حبيبي اشاقه

. شفته كعد وبقه صافن عليه ويرمش همس

. الأوس : كومي بابا خلي نأكل

. إيليا : لعد مو تريد تنام

. الأوس : لاحبيبي ماريد هم ياالله اصلي ونروح نشوف اهلي

. هزيت راسي وكمت طلعت ملابس إله شفته كاعد ع الجربايه وصافن رحت يمه بست خده ابتسم نطيته الملابس وحجيت

. إيليا : حبيبي لاتتاخر راح احضر الاكل

. الأوس : بس البس الملابس وغسل وجهي روحي بابا

. طلعت ورحت للمطبخ حضرت الاكل شفته اجه كعدنه ناكل طلب چاي سويتله بين مشربه غسلت للماعين طب واحد ثاني صبيتله قرب يخلصه حجه

. الأوس : روحي جيبي سجاده حتى اصلي وبين ماخلص صلاه الگاج مجهزه نفسج

. كام يتوضه جبت السجاده خليته ع القنفه بصاله باوعت عليه شلون فرشها وبلش يصلي عضيت شفتي باوعت لشواربه احس انتهيت درت وجهي ورحت للغرفه بدلت ملابسي لبست فستان وحجاب لبست سليبر اخذت التلفونات طلعت قفلت الغرفه شفته بعده يصلي الأوس حيل بطيئ بصلاته مو مستعجل كعدت انتظره كمل اخذ ايدي قفل البيبان ورحنه لبيت عمو وصلنه شفنه الباب مفتوح دخلنه شفناهم يمهم اهلي سلمنه عليهم وتحمدو الأوس بسلامه كعدنه بس وجوهم مو تمام رحت يم ماما