عاشقه في وجار الذئب

Part"40"

#أدم
. كاعد ع تل ومخلي سلاحي ع صدري الشباب كاعدين يمي يسولفون ويضحكون واني احس نفسي بعالم ثاني تفكيري كله بيها شنو أكلت شربت اكيد هسه مشتاقه إليه سمعت صوت رساله اجت طلعت تلفون وشفت دازه صوره ع الواتساب كمت من يم الشباب ورحت بعيد عنهم فتحت المحادثه ودخلت ع صوره ماخذه صوره ع المرايه ولازمه بطنها ومبتسمه قربت صوره لشفتي وبستها كتبت الها

. أدم : رتبتي وسلاحي وعشيرتي كله تروح فدوه لطولج انتي ولي بطنج

. طلعت چگاره ورثتها دخلت لصوره وبقيت مركز بيها سديت التلفون وكمت لثاني يوم صار وقت نزولي طلعت متأخر مريت ع الحلاق حلقت شعري ورحت لسوك جبت مسواك اخذت تكسي وصلت للبيت فتحت الباب ودخلت المسواك لطارمه انطيت السايق فلوسه وراح قفلت الباب ودخلت

. رهف مالها صوت معقوله نايمه عزلت المسواك بسرعه دخلت للغرفه شفتها نايمه تقربت منها بستها براسها وخرت رحت للحمام سبحت وصليت صبح قضاء نزعت تشيرت وتقربت منها رفعت لغطه راحت عيوني لجوا شفت دم مغرگها صرت اهز بيها

. أدم : رهف بابا جاوبيني

. ماكو ميطلع الها صوت رحت ركض طلعت شال وصايه لبستها بسرعه وأخذتها لسياره طلعت وبوجهي للمستشفى اباوع عليها فاقده ومجاوب اعرف نفسي مدوم إليه الفرحه اخذت ايدها ابوسها

. أدم : وچ بابا جاوبيني

. وصلت للمستشفى نزلتها بسرعه وأخذتها للطوارئ تلگتني دكتوره اخذتها مني وطلعت بره كعدت ع الكرسي الطم ع راسي ليش ياربي ماعندي غيرها فرحه حياتي راح تروح من ايدي واني مابيدي شي اسوي ساعتين واني انتضر بره ومحد اجه وطمني

. طلعت دكتوره رحت يمها وكلي امل تنطيني خبر يفرحني

_ مع الأسف الجنين ميت صار تقريبا ثلاث اسابيع وسوينه الها كرداش ونزلنه الطفل دكتوره الخاصه بيه متعرف انو ميت والحمد الله مصار عدها تسمم من وره الطفل

. بلعت ريگي وحجيت بصعوبه
. أدم : شنو جنس الطفل

_ بنيه وحاليا المريضه فاقده وننتظر لحد متصحه

. أدم : دكتوره اجيت قبل فتره لهنا وهم دكتوره مثلج شخصت حالتها وكالت طفل عايش

_ مع الأسف الشديد ميت الطفل

. راحت دكتوره واني بقيت بصفتي كعدت ع الكرسي خليت راسي بين ايديه صرت ابجي ع حالي لو حال بنيتي لي جوه لو بنتي لي راحت ومشافت الدنيا بسبب لدكتوره لو رهف ميته بسببها شسوي اني بحياتي

. رحت للمدير المستشفى وقدمت شكوى بحق الدكتوره وطبعا مو بسهوله صارت رجعت لدكتوره وكالت تكدر تدخل دخلت للغرفه شفتها نايمه وجهه اصفر تقربت منه اخذت ايدها وبست باطنها