عاشقه في وجار الذئب

Part"33"

#ميرال
. واكفه كدام المرايه اباوع لشكلي لبسه لبس رسمي لونه نيلي لميت شعري ولبست الحجاب خليت تنت ومسكاره اخذت تلفوني ونزلت جوا كعدت بصاله العب بتلفون شوي وحسيت خطوات ع الدرج نزلو زهراء وحسين جان شكلهم يجنن حضنها من ظهرها ونزلها من بعد ماعرف بيها حامل صار ينتبه ل حركاتها والمشيتها والأكل مالتها 

. صعدنه بسياره متوجهين لبيت اخو زهراء لي هوا حمايه الأوس سوا العمليه البارحه وصلنه كبال بيتهم وهاي جانت ثاني مره اشوفه من بعد زواجهم نزلنه ودگينه الباب شوي وانفتح لباب طلع عمو رحيم سلَمنه عليه ودخلنه جوا راح حسين للاستقبال دخلنه للمطبخ جان بيه إيليا وخاله مريم وأم إيليا ومروه سلمنه ودخلنه لصاله شفت بيبي سلمت عليها وكعدنه يمه شوي ودخل شاهين شافني ونصدم عباله مااجي راحت زهراء سلمت عليه رحت وراها راحت اخذني ع جهه وتقربت منه بسته بخده رجع البوسه شغل الچگاره وأخذ نفس منها وحجه

. شاهين : شوكت اجيتو

. ميرال : مصار هواي

. شاهين : عبالي متجين

. ميرال : اي صح ردت مااجي بس مكدرت عيب منكم

. شاهين : شلون ماتجين بابا عيب صرتي مرتي وتنحسبين عليه خلي اروح يم الولد اكلج تبقون للغده

. ميرال : ماعرف شوف حسين

. شاهين : خوش يأبه روحي كعدي

. لزمت ايده باوعلي وهز راسه بمعنى شنو خليت ايدي ع صدره جان بدايه قميصه مفتوح وصدره طالع عضيت شفتي وفتحت الدكمه لزم ايدي

. شاهين : بربوگ تريدين تغتصبني

. ميرال : اي شاب حلو وبيك مغريات عجبتني

. شاهين : صايره منحرفه

. ميرال : لي يعاشرك يصير منحرف

. شاهين : اريد آخذج لبيتنه

. ميرال : ليش

. شاهين : جبتلج شغله بناتيه

. ميرال : شنو هيِ

. شاهين : من آخذج تشوفيها

. ميرال : يعني متكولي

. شاهين : اي

. گلبت عيوني خزرني خفت منه حيل من يخزر يخوف ضربني راشدي خفيف وكرص خدي دار وجهه يشوف اذا اكو احد تقرب مني دنك عليه بأس شفتي خفيف وبعد مسح شفتي وخر طلع من الصاله رحت للمطبخ شفته يحجي ويه إيليا انطته بطل مي شربه وطلع

. كعدت ع الطاوله اباوع عليهن طبخن الغده بسرعه رفعت راسي شفت الساعه ب 11:45 ندك باب الشارع وكفت ب الباب دخل ولد شاب حيل ضخم لابس بنطرون اسود وقميص ابيض دخلت ورا بنيه ناعمه جانت لابسه فستان زيتوني وحجاب ابيض جانت حيل حلوه دخلت جوا شوي ودخلت لبنيه راحت الها إيليا سلمت عليها جانت حيل فرحانه سلمت علينه ودخلنه جوا كعدنه يم بيبي أذن الأذان وصلينه كملنه ورحنه للمطبخ اجت لبنيه لي اسمها رهف تساعدنه صبينه الغده سوينه لزلم سفره والنه سفره كعدنه نتغده