عاشقه في وجار الذئب

Part"48"

#رهف 🔞
. فزيت الصبح ؏ صوت أدم فتحت عيوني وشفته لابس ملابسه العسكريه دنك عليه وبــأس راسي
. أدم : صباح الخير

. رهف : صباح النور وين رايح

. أدم : اخذ اجازه كعدي تريكي بين ما ارجع

. هزيت راسي وكمت طلعت وراه صعد بسياره وراح دخلت للمطبخ جان جايب كيمر وصمون وعصير أكلت ؏ ماشي وكمت افتر ب البيت يشبه بيت إيليا بس الوان البيت يختلفن

. نص ساعه واجه أدم سويتله ريوك وكمل نزع ملابسه وبقه بــشورت بــلشنه سوينه لماعين ورتبناهم بــمكانهم هذا الكاونتر تصمينه اكبر وافخم رجعنه للملابس اخذ مجموعه مجموعه للغرفه

. صح انقل ويه أدم بس ميخليني اشتغل هوايه يعني عليه ترتيب رتب ملابسنه بمكانهم ورجعت جبت المكياج والأوراق مال أدم خليتهم يمه جان مسويلي رفوف كامله للمكياج ومرايه طويله وبنص ميز شفاف صغير اخلي بي الاكسسوارات وذهب مالتي فتحت الجنطه وصرت امسح ب المكياج وارتبه بمكانه

. لحد مصارت ڷــ 1 نشتغل ندكت الباب راح أدم فتحه دخل وبيده صينية مال اكل

. رهف : هاي منين

. أدم : من بيت ابو آسر

. رهف : حيل جوعانه خلي اغسل ايدي واجي

. رحت للمطبخ غسلت ايدي واجه ورايه غسل ايده أخذت خواشيك وكعدنه ناكل مسوين تمن برياني ودجاج شوي ومركه طرشانه واكو زلاطه وطرشي وخبر وخضره احس نفسي سنه ما ماكله رفعت راسي ڷــ أدم شفته مندمج ورايح بــعالم ثاني ولا واحد منه حجه ؏ كد ماجوعانيين فرغت الماعين ؏ الاخير

. اخذ مخده ونام ؏ ظهره سحب باگيت الچگاير واخذ الچگاره بحلگه ورثهه اخذت لماعين لڷــمطبخ وغسلتهم رحت يم أدم لي بعده نايم سحبت ايده ونمت عليهه تقرب بــأس راسي ابتسمت

. أدم : تعبتي بنيتي

. رهف : لا

. أدم : چا كومي خلي نكمل حتى نام

. كمت عنه وكام رحنه للغرفه نكمل الملابس اخذ ايدي وكفني كبال لوحه وخرها طلع وراها خزنه سوده فتح الرمز وانفتحت جانت فارغه

. أدم : هاي الخزنه صممته لغراضنه المهمه لي مايصير تطلع كدام شخص غيري اني وياج وللامان خاف يدخل حرامي شي هنا بالحفظ والصون

. رهف : بس حيل جبيره

. أدم : احسن روحي جيبي هذيج الجنطه

. رحت جبت جنطه أخذها مني وفتحه طلع أوراق وخلاهم بيه وفلوس دولارات صك

. رهف : شكد هذول الفلوس

. أدم : 40 مليون بس خلصت فلوسي ؏ البيت وأريد ابدل لسياره بيهن

. رهف : ليش شبيه