عاشقه في وجار الذئب

Part"16"

#إيليا

. فتحت عيوني جسمي متگسر عيوني ذبلانه ومدمعات كعدت شفت ساعه 11:30 رحت غسلت وجهي اخذت التلفون شفت الأوس متصل عليه 12 مكالمه وغير المسجات

. صباح الخير حبيبي
. فدوه رحت لعيونج النايمات
. كون اصير مخده وتخلين وجهج الحلو عليه
. وچ اووف كعدي تنبل
. الفاهيه
. بابا ردي عليه كافي نوم
. أخخ عذبتني هلبنيه
. راح اروح بابا دربالج ع نفسج أحبچ

. دكيت عليه أكثر من مره مجاوب لبست الصايه والحجاب اخذت مفاتيح البيت وتلفون نزلت جوا شفت ماما كاعده بصاله

. إيليا : صباح الخير

. نورس : صباح النور شلونج

. إيليا : زينه ماما تروحين ويايه لبيتي اريد اجيب ملابس

. نورس : خلي البس العبايه ونروح

. لبست وأخذت اخواني ورحنه للبيت فتحت الباب ودخلت شغلت الماطور والمي للحديقه
فتحت الباب الداخلي دخلت لجوا غسلت الماعين ورتبت البيت صعدت لغرفتي خليت ملابس وأخذت فلوس وقفلت الخزنه قفلت الغرفه والبيت اخذت اخواني ورحنه لبيت عمو دخلنه وسلمنه عليهم

. مريم : باجر نروح لسوك نختار بدلات لسبعه

. إيليا : اي خاله بس اريد من نفس المحل لي أجرنه منه اني والأوس

. مريم : اي يمه اعرفه

. تغدينه بيت عمو وشوي ورجعنه لبيتنه صلينه  لبست دشداشه قصير دلعه وتمددت نمت احس جسمي مكسر ومابيه ارفعه اجتني ماما

. نورس : شبيج ماما

. إيليا : ماعرف ماما احس نفسي تعبانه حيل وجسمي يوجعني

. خلت ايدها ع گصتي ايدها بارده غمضت عيوني

. نورس : مصخنه ماما شنو انقهرتي ع الأوس لان راح

. إيليا : اي حيل مشتاقتله

. نورس : اعرفج كلش زين من تنقهرتي صخنين وتتمرضين

. راحت جابت طاسه ومي وسويلي كمادات جسمي برد غطتني بطانيه خابر الأوس مابيه حيل احجي جاوبته ماما

. نورس : الو هلا يمه شلونك عساك بخير الحمد الله اني هاي وياها مصخنه لايمه لاتخاف بس نقهرت عليك لان رحت لا ميحتاج مستشفى بس تسوء حالتها أخذها لا يمه متكدر تحجي بس تصير زينه اخليها تحجي وياك يعني تريدها يلا

. نورس : إيليا ماما كاعده هذا الأوس يريدج

. اخذنه منها وهيه طلعت خليته ع اذاني وهمس

. إيليا : الو

. الأوس : هلا بروحي شبيج بابا ليش هيج صوتج