عاشقه في وجار الذئب

Part"39"

#إيليا
. كعدتني ماما المغرب شفت اخواني نايمين وآسر نايم هم كمت غسلت وجهي وتوضيت صليت المغرب كعدت اخواني ونزلتهم جوا رجعت اخذت آسر ونزلت جوه لكيت ماما مبدله ملابسها كاعده تبدل لخواني شافتني وحجت

. نورس : بدلي ماما ابوج راح ياخذنه نتعشه بره

. إيليا : ما جايبه ملابس طلعه ويايه

. نورس : اخذي ابوج وروحي جيبي ملابس

. كام بابا رحت بسرعه لبست شالي ولصايه اخذت المفاتيح ورحت لبيتي جبت فستان طويل وشال اخذت جنطه وحذاء وملابس ل آسر وقفلت البيت ورجعنه لبيت اهلي بدلت ملابسي بسرعه ول آسر نزلت جوه شفتهم كاعدين ع القنفه شافوني وگامو سألت بابا

. إيليا : بابا خابرت الأوس

. ناصر : اي خابرته وقبل

. هزيت راسي وطلعنه وصلنه للمول رحنه لمطعم تعشينه راح بابا جاب عصاير ألنه ورحنه لمحل ملابس أطفال اخذت ماما تراكات لخواني وملابس طلعه رحت من جهه لصغار لي بعمر آسر اخذت كم تراك وجواريب صغار إله ع شكل دب دفعنه لحساب وطلعنه رجعنه للبيت بدلت ملابسي ولبست دشداشه قصيره رحت غيرت ملابس آسر وبلشت انيمه دك تلفوني أخذته بسرعه وفتحت خط

. الأوس : الو هلا عيني

. إيليا : هلاو حبيبي

. الأوس : شلونج

. إيليا : الحمد الله وانت

. الأوس : زين بابا شلونه آسر

. إيليا : زين هياته راح انيمه

. الأوس : لا تنيمي اريد اشوفه هلفصعون

. إيليا : حبيبي نعسان يريد ينام

. الأوس : عوفي النوم لاحك عليه فتحي كامره يلا

. فتحت الكامره وخرت صدري من حلگه كعدته بحضني وجهت الكامره علينه تقرب للگامره وبأسها دزيتله بوسه صار يناغي آسر لحد متعب آسر وكام يبجي عدلته ونيمته بحضني رجعته لصدري ورضعته خليت تلفون ع التيبلام وتقربت يمه بقه يباوع علينه لشوي ونام آسر نيمته وأخذت تلفون ونمت بصفه قربت لتلفون لشفتي وبست وجهه ابتسمت

. إيليا : ناقصنه انتَ

. الأوس : أخخ الله 

. إيليا : ها حبيبي

. الأوس : روحه بنيتي

. إيليا : مشتاقه الك هوايه

. الأوس : أني أكثر وحق علي ولو مو صوركم يمي اموت بحسرتي عليكم

. إيليا : اسم الله عليك حبيبي

. بقينه نسولف لوقت طويل صارت ل 1 صار يسد بعيونه ويفتحهم ودعته وسديت التلفون وهيج مرت الايام لحد ما رحنه سيرنه لبيت عمو دخلنه وشفته عمو ناظم يمه مره ماعرفتها سلمنه عليهم جان جدو عصبي حيل