عاشقه في وجار الذئب

Part"36"

#رهف
. فزيت ع صوت تلفوني يدك فتحت عيوني خلصت الرنه وبلشت الثانيه وبعدين يلا ستوعبت عدلت كعدتي درت وجهي شفت أدم ماموجود يمي معقوله رايح لدوام ومكعدني مديت ايدي وأخذت تلفوني فتحته 8 مكالمات من أدم رجعت راسي ع المخده وتغطيت فتحت الخط

. رهف : صباح الخير

. أدم : هلا كبد صباح النور

. رهف : شلونك ليش مكعدتني الصبح وياك

. أدم : الحمد الله شفتج نايمه ومحبيت ازعج نومتج

. رهف : بس انت رحت ممتريك ولا ودعتك

. أدم : هنا أكلت لا تشغلين بالج واذا ع ماودعتيني لاتخافين اني ماقصرت

. رهف : زين شوكت ترجع

. أدم : بعد ساعه ويمج اني

. رهف : شنو لعد بيش ساعه هسه

. أدم : ب 1 بابا بعدج نايمه

. رهف : اي هسه كعدت ع الاتصال

. أدم : كومي صلي وعزلي البيت يلا كافي نوم

. رهف : نعسانه

. أدم : خليها لليل بابا

. رهف : أدومي

. أدم : ماكو ميفيد الدلع يلا كعدي جاي اني

. رهف : اي حبيبي

. أدم : محتاجه شي

. رهف : اي مشتهيه دبس جيبلي

. أدم : تدللين وبعد

. رهف : وانتَ

. أدم : نص ساعه ويمج اني إله اشلع شفتج شلع

. رهف : منتظرتك

. أدم : يلا في امان الله

. رهف : بسلامه باي

. سديت الاتصال وخليته فوگ راسي غمضت عيوني لشوي وكمت شلت الفراش وخليت التلفون ع الشحن رتبت البيت وبخرته عسريع دخلت سبحت وطلعت خلصت صلاه رحت نشفت شعري وسرحته لبست ثوب قصير لونه رصاصي مطعم بسود خليت حمره رماني وايلاينر ومسكاره اخذت الحجل ولبسته شلت الگلاده لي بأاسم أدم لبستها شفت ساعه صارت 2 وهوا ماكو خابرته رفضني ودز مسج

. أدم : 5 دقايق ويمج اني

. طلعت لصاله كعدت اگلب بتلفون لشوي حسيت سياره دخلت للبيت كمت فتحت باب المطبخ شفته يسد باب الشارع قفل الباب ودار وجهه إليه باوعلي ودز بوسه ب الهوه نزل الغراض واجه بتجاهي خله الغراض ع الطاوله وفتح ايده رحت دخلت بحضنه حضنته حيل حاوط خصري بيده فجأه رفع راسي بيده واخذ شفتي بشفته حضنت رگبته دنك عليه وشالني حاوطت خصره رحنه بعالم ثاني بعد فتره ابتعد عني عيونه ذبلانه حسيت اكو دم بحلگي نزلني وخله ايده ع شفتي ومسحها اخذني لسنك فتح الماي وغسل حلگي