عاشقه في وجار الذئب

Part"42"

#أدم
. من بعد مافكرت بلموضوع لي اقترحه عليه الأوس اخذني وشوفني القطعه جانت حيل جبيره تقريبا 900 متر من بعد محاولات يلا يأخذ فلوس ع القطعه قبل بنص سعرها لان مشاء الله عنده هواي محلات وقطع اراضي يتاجر بيهن

. الأوس : راح اطلعلك العمال لي اشتغلو بيتي لان سريعين ب البناء ومايطول تقريبا اقل السنه مستلم بيتك

. وصدك بعد اسبوع بلشت بناء البيت وتحويل القطعه بأاسمي سويت الخريطه مثل بيته لان نفس المساحه انشغلت بين دوام وبناء البيت رجعت للبيت تعبان حيل دخلت سياره ونزلت اجتني رهف تركض حضنتها حيل لصدري بست راسها وشميت شعرها

. أدم : شكايل اني مو ممنوع ركض

. رهف : مشتاقتلك

. أدم : واني مشتاقلج أكثر بس بعد ممنوع ركض

. هزت راسها وأخذتها ودخلنه جوه رحت للغرفه تمددت ع الجربايه

. أدم : أخخ يابويه

. رهف : شبيك حبيبي

. أدم : ظهري يوجعني

. رهف : تؤ ادخل اسبح حتى اسويلك مساج

. أدم : تعبان مابيه اتحرك

. وكفت يم رجليه نزعتني الحذاء وجَواريب كمت وخليت رجليه بلكاع جان السراميك بارد حيل نزعت القميص والبنطرون َورحت للحمام فتحت الدوش جان المي بارد ارتاحيت بي لفيت المنشفة ع خصري وطلعت شفتها بالمطبخ رحت للغرفه لبست شورت وتمددت

. لشوي ونفتح لباب دخلت واجتي يمي صعدت ع ظهري وخلت دهن صارت تفرك بظهري احسه مكسوم بنص

.شايف من تشتغل طول اليوم وبنهايه الليل تمد ظهرك

. كملت وكامت غسلت ايدها واجت تمددت يمي بقت تسولف واني صافن بوجهه خلت ايدها ع ظهري تمسح عليه شلت راسي تقربت الها اخذ شفتها بشفتي مصيتها حيل وخرت ضربتني بصدري ضحكت وكمت

. أدم : مسويه غده

. رهف : اي

. أدم : يلا خلي نأكل ونام

. رهف : لا تنام

. أدم : ليش

. رهف : أريدك صار هوايه مبتعد عني

. درت وجهي عليها وسحبتها لصدري بست راسها
. أدم : اعذريني بابا حيل مشغول بسالفه البيت وشغل بالمركز مجاي أفرغ اطلعج

. رهف : ماريد طلعه أريدك يمي

. أدم : يمج بابا مارايح بعيد باجر اخذ اجازه علمودج

. رهف : صدك

. أدم : اي صدك وهسه كومي خلي نتغده

. اخذت ايدها ورحت للمطبخ صبينه الغده وكعدنه نأكل خلصت اكل وكمت سويت چاي طلعت الچگاير ورثت وحده درت وجهي عليها شفتها بعدها تأكل وطلعت أصوات بحلگها مال شخص متلذذ بالأكل ابتسمت خدرت الچاي انتظرت شوي وصبيته رحت كعدت كدامها كامت غسلت الماعين وراحت للغرفه