عاشقه في وجار الذئب

Part"46"

#إيليا
. فزيت بليل ؏ بجي آسر أخذته للحمام غسلته رحت للغرفه بدلت ملابسه ورجعت للفراش رضعته ونام بس جان ممرتاح بنومته هستوني غفيت فزيت ؏ صرخته بصوت عالي أخذته وخليته بحضني طلع شي ابيض من حلگه فز الأوس واجه أخذه مني يحرك بي بس مايفتح عيونه طفر للغرفه جاب سويج واخذه مني لزمته من ايده

. إيليا : الله يخليك خلي اروح وياك

. الأوس : ولج راح يروح بين ايديه عوفيني 

. عافني وطلع ركض كعدت بلگاع ابجي بصوت عالي رحت للغرفه ركض خابرت ماما مجاوبتني دكيت ؏ بابا شوي وجاوب

. ناصر : الو

. إيليا : بابا الله يخليك روح وره الأوس  

. ناصر : وين راح الأوس لاتبجين وفهميني عدل

. إيليا : بابا آسر مدري شبي تخربط واخذه ابو للمستشفى

. ناصر : لاتخافين ان شاء الله ماكو شي

. سديت الخط وكعدت اكل بروحي اذن الاذان كمت صليت صلاه الصبح وكعدت ادعي يطلع آسر سالم ندكت الباب طلعت بره شفت الكامرات شفته ماما رحت فتحت الباب ودخلت حضنتها حيل وابجي

. نورس : ان شاء الله يطلع بسلامه كافي بجي مو زين عليه

. إيليا : ماما راح بين ايديه وماكدرت اسوي شي

. سحبتني من ايدي ودخلنه للبيت رجع ندك الباب راحت تفتحه تمددت ؏ القنفه دخلت خاله مريم تركض وجهه اصفر

. مريم : ولج إيليا صدك سمعته

. هزيت راسي وكعدت ؏ القنفه تبجي زدت بلبچي گلبي احترك ؏ ابني من يوم لي ولدته لحد هسه بس يتمرض جابتلي ماما مي وراحت لمت لفراشات

. نورس : امشي يمه بدلي ملابسج خاف يجون عمامج

. رحت للغرفه بدلت ملابسي بشداشه طويله وطلعت اخذت تلفوني خابرت ؏ الأوس سمعت صوت التلفون يدك جوه المخده رفعتها شفت تلفونه أخذته وفصلته دكيت ؏ بابا ميجاوب بقيت ألوب اريد بس احد يجاوبني ل 8 صبح ومحد اتصل

. ندكت الباب وطلعنه بره راحت ماما تفتحه دخل الأوس شايل آسر ؏ جتفه شفت بيده كانونه رحت يمه اخذني الأوس بحضنه بأس راسي

. إيليا : شبي ليش مخلي كانونه إله

. الأوس : تعالي ندخل جوه

. اخذني ودخلنه جانو ولد عمو عدنان موجودين رحت للغرفه لبست شال وطلعت اخذت آسر من حضن أبو وخليته بحضني جان نايم رفع ايده وفرگ عينه رفعت راسي وشفت الأوس مخلي الچگاره بحلگه ويباوعلنه

. إيليا : مكلتولي شبي آسر

. ناصر : درجه الحراره لي بجسمه عاليه ف تعرض لشمره