عاشقه في وجار الذئب

Part"26"

#زهراء
. كاعدين كلنه ب الاستقبال بيت اهل هدى من بعد ما بلغهم حسين انو يريد يحجي وياهم بموضوع ومنتظري يحجي حسين عينه ع فاطمه يخزر بيها وهي تضحك اخر شي نطق وجهه كلامه ل ابو هدى

. حسين : عمي اني حابسك مثل أبويه واعز

. دار وجهه عليه ولزم ايدي
. حسين : عمي أني تعذبت ونشلع گلبي بطفولتي وامي وابويه راحوا ومحد بقه إليه غير اخواني جان الكل ضدي ومن اجه الوقت لي حبيت بي اجه شخص يريد يخرب حياتي هاي زهرتي اخذتها ع حب واختارها گلبي

_ الله يحفظكم بويه بس ليش تحجي هيج ومنو هشخص

. حسين : بنتك فاطمه جايه لمرتي وكايله الها انو اني خطيبها من سنتين واكو علاقه بينه واحنه نام بنفس الغرفه

. شفت ابوها باوع الها وصار وجهه اصفر كام الها لزمها من ايدها ويهز بيها

_ صدك هذا الحجي جاوبيني

. بقت ساكته وتبجي انطاها راشدي وكعت ب الكاع دار وجهه لحسين وحجه

_ وعد مني مراح شوف وجهه وراح احاسبها ع كلشي

. أخذها سحل لداخل البيت امها واختها يبجون اخذ ايدي حسين وطلعنه منسمع غير بس صوت صراخها

. صعدت بسياره مشينه للبيت أخذنه ميرال ورحنه للمطعم تغدينه ودانه للمول نشتري ملابس لجامعه جديده لان بعد يومين ويبدي الدوام اخذت كم قطعه ورجعنه للبيت

. بدلت ملابسي رحت للكنتور طلعت مفرش فرشته ب الكاع طلعت ملابسي وذبيتهم عليه مسحته وذبيت بي صابون معطر كعدت ارتب الملابس انفتح لباب ودخل حسين راح يبدل ملابسه شوي واجه يمي كعد يرتب لحد مخلصت احس ظهري انكسر

. حسين : رتبي كنتوري وياج

. زهراء : تعبت حبيبي

. حسين : ذبيهن واني ارتبهن

. فتحت الباب نزلت الملابس بده يرتب بيهم خلصنه كام تمدد ع جربايه رحت جبت وصله مسحت الغرفه وعطرتها نزلت جوا اريد اطبخ غده بس حايره شنو اطبخ رحت جبت تلفوني حافظه طريقه مساو شاورما لي علمتني عليه إيليا شفت الغراض موجوده بس خبز صاج ماعندي طلعت دجاجة قطعتها قطع ناعمه وتبلتها وخليتها ب ثلاجه جانت ساعه ب 3 رحت سبحت وتمددت بصف حسين ونمت

. ورا فتره كعدت شفت حسين ماكو طلعت لصاله جانو كاعدين رحت يمهم

. زهراء : مساء الخير

. حسين : مساء النور

. ميرال : مساء النور

. كعدت شوي وأذن كمنه نصلي خلصت انتظره يكمل صلاه شوي وخلص

. زهراء : حبيبي اريد شغلات من سوبر ماركت

. حسين : يلا كومي