عاشقه في وجار الذئب

Part"4"

#إيليا

. جنت نايمه سمعت تلفوني يدك طلع الأوس جاوبته بنعاس

. إيليا : هلا حبيبي صباح الخير

. الأوس : يروح حبيبج صباح النور يلا بابا صحصحي وتريكي اريد آخذج للسوك انتي والبنات

. كمت رتبت الغرفه وتريكت وبدلت ملابسي لبست بنطرون ثلجي وتشيرت زيتوني وصايه وحجاب خليت حمرا ومسكاره طلعت فلوس وخليتهم بجنطه صغيره ورشيت عطر لبست حذاء رياضي ابيض ونزلت شويه وسمعت صوت الباب يندك فتحت الباب طلع الأوس

. الأوس : يلا بابا خلصتي لو بعدج

. إيليا : لا خلصت وجنت منتظرتكم

. صعدت بصدر ومروه وزهراء كاعدات ورا سلمت عليهن وصلنه للمول ونزلنه دخلنه للمحل الاول ماكو شي عجبنه رحنه لصديق شاهين لگينه عنده فساتين حلوه اني شتريت فستان لونه اسود وبي ورد ابيض بي فتحه لحد الفخد وتعلاكه الصدر كله يطلع والبنات اشترن ع غير لون مروه زيتوني وزهراء احمر خلصنه ورحنه نشتري احذيه شتريت حذاء مشبچه وبل كدام بيه ريش عاليه لونه اسود  ورحنه شترينه مكياج كلهم دفعهم الأوس اخذنه اشتره إلنه عصاير وكعدنه خليت راسي ع جتفه تعبت من الفره شويه ورجعنه للبيت ثاني يوم رحنه البيت عمو رحيم صعدت فوگ  يم البنات دخلت لغرفه مروه  البنات مهوسات ومسويات مكياج وشعر واني بعدني كعدت اسرح بشعري خلصته ورحت للحمام البس الفستان

                 ..................................

#مروة

طلعت إيليا من الحمام ب الفستان طالعه تموت بي حصر عليه إيليا جسمها كلش أنوثي كنما ساعه رمليه صح ناعمه بس عدها خصر وخلفيه وصدر جبير بس مو كلش بيضه حيل وعيونه صفر وشفايفها ممليه وجهه دائري وشعرها طويل يوصل لخلفيتها وكفت  كدام المرايه تخلي مكياج رحت يمها

. مروه : فلك طرچ ع هل جمال اذا شافج الأوس ميطلعج باب البيت

. إيليا : اصلا هوا خابرني وكال ممنوع طلعين بي بس اريد البس شنو احرم نفسي

. مروه : وراح طلعين بي وهوا ميقبل ميجوز لازم  يقبل لاتنسين انتي مرته وهوا زوجج

. إيليا : اعرف حبيبتي بس عندي طرق لي ارضي بيهم

. مروه : والله مادري بعد بكيفج 

. لبست الصايه والحجاب وأخذت علبه المكياج خاف نحتاج شي هناك واخدت تلفوني شويه وندك الباب طلع الأوس أشر ل إيليا تجي متقبل تروح

. الأوس : تعاي ولج

. إيليا : ما

. الأوس : تعالي بربوك

. لبست صايه وخلت الحجاب ع رأسها اخذ ايدها وطلع وهيه وجهه معبس بقينه نضحك عليها

                  ..............................