عاشقه في وجار الذئب

Part"34"

#رهف
. فزيت الصبح شفت ساعه ب 6:34 درت وجهي ع أدم نايم ع بطنه كمت سويت ريوك بسرعه ورحت كعدته كام غسل وجهه ولبس الزي العسكري مالته مشط شعره ورش عطر اخذ سلاحه وسويج طلعنه رحنه للمطبخ صبيتله چاي

. أدم : اكلي بابا

. رهف : لا حبيبي ماشتهي

. أدم : اكلي بنيتي اعرفج راح ترجعين تنامين وتنتظريني من ارجع يلا تأكلين

. كمت جبت كلاص وصبيت چاي كعدت اكل وياه لحد مخلصنه كام غسل ايده وفرش اسنانه فتح باب المطبخ وطلع بره كمت اخذت لماعين خليتهم ع السنكي غسلت ايدي وفرشت اسناني وطلعت وره شغل السياره خلاها تحمه اجه يمي وكف

. أدم : راح اروح اني دخلي جوا وقفلي الباب اذا بعدج نعسانه رجعي نامي

. هزيت راسي تقرب بأس شفتي وابتعد وكفت باب المطبخ طلع السياره ورجع سد الباب اشرلي ادخل سديت الباب وقفلته نظفت المطبخ ورحت للغرفه تمددت ونمت

. كعدت ع صوت الباب يندك حيل شفت ساعه ب 10 استغربت معقوله أدم بس لو أدم عنده مفتاح ويدخل كمت لبست صايه وفوگه حجاب فتحت باب المطبخ وطلعت صحت

. رهف : منو

_ اني

. سمعت صوت مره خفت حيل ونوب أدم محذرني افتح الباب لحد غيره اضطريت افتحه دخلت مره حيل ضخمه وياها بنيه يجي عمرها تقريبا 12سنه ولد ثنين صغار عمرهم 8 هيج شي

_ أدم موجود

. رهف : منو انتي وليش تسألين ع أدم

_ اني اصير اخته حوراء موجود هوه لو لا

. رهف : لا بداوم

. حوراء : اريد انتضره هنا بين ميجي يصير

. رهف : اي تفضلي

. سديت الباب ودخلتها جوا جانت نضراتها ع البيت كعدتها بصاله رحت بحجت اجيب مي مديت راسي شفتها تباوع ع أركان البيت وتفاصيله رحت لثلاجه اخذت بطاله ماي وكلاصات قدمته وشربت رجعت سويت چاي وقدمته كعدت يمها صفنت عليها بيه شبه من أدم بس مو هوايه بس من ناحيه الخد عدها شامه بخدها مثل أدم اول مادخلت مركزت بيها لان جنت خايفه منها باوعتلي وحجت

. حوراء : شوكت يجي أدم

. رهف : ب 2 يلا يجي

. حوراء : مطول زين عادي اشوف البيت

. رهف : ها اي عادي

. نزعت عبايتها وكامت كمت وراها صعدت لطابق الثاني صارت تفتح الغرف وتشوفهن نزلنه جوا راحت للغرفه مالتنه وكفت كدامها

. رهف : وين تريدين ميصير تدخلين لهاي لغرفه

. حوراء : ليش يأبه