#رهف
. صار وقت نزول ادم المفروض اليوم ينزل انتضرته لصبح ومبين اتصل عليه ميجاوب بقيت اكل بنفسي خاف صاير عليه لو مصاوب صار الظهر وندكت الباب لبست شالي وفتحته طلع أدم شكله جان حيل غريب وجهه ذبلان واصفر جان منتچي ع الحايط سحبته ودخلته خليته ينتجي عليه جان جسمه حيل ثكيل احجي وياه اريد اعرف شبي مايحجي نيمته ع القنفه شفت دم بجتفه فتحت البدله مالته شفت جرح حيل عميق يمكن مضروب برصاصه جان حيل دايخ وبلكوه مفتح عيونه لازم ايدي حيل كمت ابجي عليه ماعرف شنو اتصرف لزمت وجهه واحجي وياه. رهف : فدوه حبيبي جاوبني منو مسوي هيج بيك لاتخوفني عليك ماعندي غيرك لاتروح وتعوفني
. عيونه سداهم احرك بوجهه اريده يجاوبني ماكو سمعت تلفونه دك طلعته من البنطرون جان صديقه الأوس جاوبته اصيح
. رهف : فدوه تعال ادم مصاوب وحالته حيل خطره
. الأوس : شنو مصاوب وين انتي
. رهف : بيتنه اتأخر يلا رجع من الدوام قبل شوي اجه وهسه ماعرف شبي احجي وياه ميجاوب
. الأوس : جاي جاي
. سد تلفون بوجهي كمت لبست صايه والحجاب عدل شوي وندكت الباب رحت فتحته جان الأوس وياه ولد دخلو يركضون دخلت وراهم شافو كامو يصيحون شالو ثنينهم وخلو بسياره وراحو بقيت افرفح ماقبل اروح وياهم دخلت جوا وقفلت الباب عليه خابرتني إيليا بقينه نحجي شوي وكالت
. إيليا : راح ادزلج بابا يجيبج يمنه
. رهف : خاف ادم مقبل
. إيليا : أني اجي وياه حبيبتي لاتخافين
. سديت التلفون وشوي واجتي رحنه لبيتهم طريق كله ابجي وإيليا تهدي بيه وتحضني وصلنه لبيتهم ونزلنه تلگتني خاله نورس حضنتني دخلنه جوا إيليا دك تلفونها جاوبت وطلعت بره شوي ودخلت ملامحها فرحانه تقربت مني وحجت
. إيليا : الحمد الله جرحه بسيط بس يخيطو ويسون إجراءات المستشفى ويطلعون
. رهف : الحمد الله يعني يتأخرون يلا يجون
. إيليا : للعصر اعتقد
. رحت توضيت وصليت صلاه شكر ع سلامه ادم للعصر وندكت الباب راحت خاله نورس فتحته جان ادم وياه الأوس احس گلبي طار ويريد يروح يحضنه وجهه حيل تعبان ولازم ظهره جانو يحجون وياه وهوا ماعرف شبي وجهه يعچه من الألم
. ناصر : بويه اكعد وارتاح وبعدين اخذ مرتك
. أدم : لا يأبه رحم الله والديك متقصر
. ناصر : احجي وياه الأوس خلي يرتاح شوي ويأكله لكمه
. الأوس :عوفه يأبه لي برأسه برأسه مراح يتراجع عنه
![](https://img.wattpad.com/cover/331085010-288-k880530.jpg)
أنت تقرأ
عاشقه في وجار الذئب
Mystery / Thrillerقلب قاسي لايعرف الرحمه يلين قلبه فقط لأجلها... وامراة قويه لاتخاف ابدا وفي حضورها لايجود أي مكان لهيبتكُ # 18+ بقلم :مرمر علي 🤎 💋