عاشقه في وجار الذئب

Part"43"

#رهف
. ركضت للغرفه قفلت الباب كمت ابجي بصوت عالي صار الباب يندك ويدفعه حيل اخذت تلفوني وخابرت أدم يرن بس ميجاوب اخر شي فتحه

. أدم : ها بابا هاي وصلت للبيت

. رهف : أدم فدوه لحكني

. أدم : ولج شكو شبيج ليش تبجين

. رهف : اكو رجال هنا ضرب عمه وختلت بلغرفه يريد هم يضربني لحكني الله يخليك

. أدم : جاي جاي قفلي الباب

. سديته وهذا بعده يدفر بالباب صار يغلط ع أدم وحجي فشار حسيت الباب راح يطك من كد لضرب دفر الباب حيل وكعت ع ايدي حسيت شي طگ بيه صرت اصرخ بصوت عالي اجاني لزمني من شعري وسحلني لخارج الغرفه خلاني يم عمه زينب جان اكو دم طالع من راسهه

. شفته طلع مسدس وجهه عليه صرت ارجع ليوره
_ وين تشردين اكتلج اكتلج

. حسيت عيوني كامن يغوشن شفت أدم وره   لزمه من راسه خنگه اخذ المسدس منه وكعه بلگاع وصار يضرب بي حيل بحيث وجهه صار كله دم فقد بعد مايسوي غير حركه بس يضربه بوجهه اخذ المسدس وضربه برأسه 

. كام عنه وضرب جسمه برجله دار وجهه شافني واجاني رگض شالني وحضني صحت من ايدي كعدني وشافها صار يحرك بيه تخبلت وخرت ايده وصرت ابجي

. أدم : ايدج شبيه بابا

. رهف : وكعت عليها

. كام جاب شال ولفه عليها ولم شعري وضمه بشال ثاني راح لعمه زينب جاب ماي وذبه عليه فتحت عيونها  

. أدم : ها عمه اكو شي يوجعج

. زينب : راسي يوجعني

. أدم : هسه آخذجن للمستشفى بس انتظرني شوي

. طلع تلفونه وراح للمطبخ رحت كعدت يم عمه زينب ابجي من ايدي حيل توجعني اخذتها تمسح عليه وتقرأ آيات شوي ودخل أدم اجه كعد وكعدني بحضنه يبوس براسي

. أدم : وعد اخذ حقج لا تبجين بنيتي

. رهف : توجعني

. أدم : شو منين

. رهف : منا

. اشرتله ع المكان أخذه يمسح عليه لشوي وسمعت صوت شرطه جان كلش عالي دخلنه للغرفه وسد الباب سمعنه صوت زلم ب البيت رحت تمددت ع جربايه ابجي من ايدي الوجع احسه بگلبي صار اختفه صوت لزلم دخل أدم راح للغرفه جاب إليه صايه واجه كعدني 

. أدم : يلا عمه روحي لبسي بين مأجيب رهف

. طلعت وكمت لبسني ولف الشال عدل بأس راسي
. أدم : بعدها ايدج توجعج

. رهف : اي حيل خاف مكسوره

. أدم : ان شاء الله مابيه شي تكدرين تمشين