#Mr_අතිපණ්ඩිත
♥️29 කොටස♥️
ආයාසයෙන් එයා එයාව පාලනය කරගත්ත කියල හොඳට තේරුණා මට. කෙටි ගැඹුරු හුස්මක් අරන් කෙනාර් මං දිහා බැලුවෙ තියුණු බැල්මක්. මම එයාගෙ ඒ බැල්ම වගක් නොකර මූණෙ තිබ්බ හිනාව ඒ විදියටම තියාගෙන හිටිය.
ඊළඟට කෙනාර්ගෙ ඇස් අනීෂ ගාවට යනවා මම බලාගෙන.
"මං පොඩ්ඩක් එළියෙන් ඉන්නම් අශූ"
අනීෂ එහෙම කියද්දිම කෙනාර් යන්තමින් හිස හොලවල ඒක අනුමත කරලත් ඉවරයි. මම හැරුණෙ කේන්තියෙන්.
"නෑ අනී"
මම කියන්න යනකොට අනීෂා එළියට ගිහින් ඉවරයි. වැහුණ දොරටත් රවල මම කෙනාර් දිහා බැලුවෙ ඒ බැල්මෙන්මයි. ඊළඟට මම එහෙමම නැවිලා ඔඩොක්කුවෙ තිබ්බ බෑග් එකෙන් ගත්තෙ ගෙදරින් අරන් ආපු මගෙයි කෙනාර්ගෙයි වෙඩින් කාඩ් එකක්.
වෙඩින් කාඩ් එක දිහා බලපු කෙනාර් මං දිහා බලන් හිටියෙ කුතුහලයෙන්.
"ම්ම්..ඉතින් මිස්ටර් කෙනාර් මම ආවෙ ඔයාට මගෙ වෙඩින් එකට ඉන්වයිට් කරන්න"
කවරෙ ඕපන් කරලා වෙඩින් කාඩ් එකේ තිබ්බ රත්‍රන් පාට පීත්ත පටිය ලිහන ගමන් මම එහෙම කීවෙ මොහොතකට ඇස් උස්සල කෙනාර් දිහා බලන ගමන්. ඒ ඇස් ගැස්සුණා හොඳටම දැක්ක මං.
"Same date, same time, same venue, same bride!"
(ඒ දිනේමයි, ඒ වෙලාවමයි, ඒ තැනමයි, ඒ මනමාලියමයි)
කෙනාර්ගේ කාර්‍යාල මේසය මත තිබ්බ මංගල ඇරයුම්පතේ උඩ ඉඳන් පහළට ඇඟිලිතුඩු ගෙන එන ගමන් මම කීවේ කිසිම ගාණක් නෑ වගේ. එක අතක් නවලා වැලමිට මේසෙ උඩින් තියාගෙන අතැඟිලි නවලා දබරැඟිල්ලයි මහපටැඟිල්ලයි මුව මත තියන් ඉන්න කෙනාර්ගෙ අතැඟිලි මිටිවෙන වගක් පේනව මට හොඳටම.
"එදාට එ විදියටම වෙඩින් එක වෙනවා"
මම ඒ ටික කීවෙ කෙනාර්ගෙ ඇස් දිහාම බලාන. ඒ ඇස් වල තියෙන්නෙම අර විශ්මය කැටිවුණ බැල්ම. කෙනාර් ඉන්නෙ මොකුත් තේරුම් ගන්න බැරුව වගේ.
"අහ්...හැබැයි ගෲම් විතරක් වෙනස්"
උරහිස් යන්තම් හකුළුවල මම ඇස් දෙක පොඩ්ඩක් බෝල කරන් කියද්දි මුව මත තිබ්බ කෙනාර්ගෙ අත පහළට ගැනුණෙ ඉබේමයි.
VOUS LISEZ
Mr.අතිපණ්ඩිත
Roman d'amourකෙනාර්ගේ අශූගේ ආදරේ...🖤 A story which swings the love strings between a stubborn heart and a wounded heart🖤 Kenar💕Ashu
