Unicode~
"ကျွန်တော် တကယ်အသုံးစရိတ်လိုနေလို့ပါ။ သေချာပေါက် ပြန်ဆပ်ပါ့မယ်ဗျာ"
"ဒီလောက်ငွေအများကြီးကို ဘယ်လိုအာမခံချက်နဲ့ ချေးရမှာလဲ။ ဟင်..ပြောပါဦး"
"ကျွန်တော်..ကျွန်တော် အလုပ်လုပ်ပါမယ်ဗျာ။ ကျေးဇူးပြုပြီး.. ကျွန်တော့်အမျိုးသမီးနဲ့ကလေးကို ကယ်ပေးပါ"
သူဌေးကြီးထံ လူလတ်ပိုင်းအရွယ်လူတစ်ယောက်က ခြေသလုံးဖက်မတတ် ငွေကြေးအကူအညီ လာတောင်းနေတာဖြစ်သည်။ သူဌေးကြီးမျက်နှာက စိတ်ရှုပ်နေဟန်။ ထိုလူကို တွန်းဖယ်ခြင်းမပြုသလို ထွေးပွေ့ခြင်းလည်းမရှိသည့်တိုင် ခက်ထန်မှုရှိနေဆဲ။
အမျိုးသမီးနဲ့ကလေးဆိုတဲ့စကားကြောင့် သူဟားတိုက်ရယ်ချင်မိသည်။ သည်လမ်းကို ထိုအမျိုးသမီးကိုယ်တိုင်က ရွေးချယ်ခဲ့တာပဲမဟုတ်လား။ အခုလို ဆင်းရဲမွဲတေ စုတ်ပြတ်နေမည်ကို သိနေရက်နဲ့ သည်လူ့ငမွဲကို ရွေးချယ်သွားတာ ထိုမိန်းမကိုယ်တိုင်ပဲလေ။ ဗိုက်ထဲက ကလေးအတွက်လား.. ဟင့်အင်း.. လုံးဝမသနားနိုင်ပါဘူး။ ဘာလို့ညှာတာနေရမှာလဲ၊ သူ့အတွက် ထုံးစံမရှိပါ။
"သူ..သူသေသွားလိမ့်မယ်။ ကျွန်တော့်ကို ကယ်ပါ။ ကျွန်တော် သေချာပေါက်ဆပ်ပါ့မယ်။ ကျွန်တော့်မိန်းမ မီးထွက်ချိန်အထိပဲ တောင့်ခံဖို့ ငွေမရှိလို့ပါ"
သည်ပုံစံကို အရသာရှိရှိ ကြည့်လိုက်ချင်လို့ ဆိုဗီယက်ရုရှားအထိ လိုက်လာခဲ့တာ။ ထင်သလောက်ပျော်စရာမကောင်းသည့်အပြင် 'သူသေသွားလိမ့်မယ်'ဟူသော စကားကြောင့် စိတ်ကမခိုင်ချင်။ သူ့မျက်နှာကတော့ အပြောင်းအလဲမရှိ မာထန်နေဆဲ။ သူက ခံစားချက်တွေကို မျက်နှာမှာ ဖော်ပြလေ့ရှိသူမှ မဟုတ်တာ..။
သူ့ခြေသလုံးကို တင်းနေအောင် ဖက်ထားသောလူကို ကန်ထုတ်ပစ်ချင်စမ်းတာ။ ဘာလို့ အဲ့သည်လောက်ထိ အသည်းမမာနိုင်တာပါလိမ့်။
"အဲ့လိုဖြစ်မှာ သိသိရက်နဲ့ လုပ်ခဲ့ကြတာပဲမလား။ အခုမှ ငါ့ကို လာတ,မနေစမ်းနဲ့"
YOU ARE READING
𝒀𝐞𝐬 𝒕𝐨 𝑯𝐞𝐚𝐯𝐞𝐧
FanfictionCold war? Funny how it cannot be as cold as your feeling to me. Knowing that you're by my side, you're hella abstract after all. Countless times of being an escapee, you never feel sick of it. There's no way I can feel relieved whether you are with...
