قبل هذا بوقت بسيط كان الضجيج يعّم بقلب ركُود وحيل فوضى مالها نهاية من ناحية تفكيره بوضاح و راجد والغربة اللي بينهم ومن ناحية اشغاله ومن ذكرى ثنوى اللي سكنت هدبه ، خرج وقتها واخذ الكاسر وركبه وركض بين هالدروب ولا له مجرى كان يضرب خيله حتى يركض باقوى واقوى لين وصل درب بعيده وشتت افكاره وعقله ، وحان وقته يرجع ونفس الشيء وفي طريقة عودته قريب من الخيم شاف ماء تقدم له حتى يشرب الكاسر بينما هو استلقى على الارض بتعب وارهاق ويده على راسه كان الظلام دامس وحييل ماتشوف كفك ، في هاللحظه بذات انتشر صراخه بالمكان بعد ما لدغته افعى في ساقه بضبط سببت رعشه مشت في كل جسده تتبعها صرخات متتاليه منه بعد ماقدر يميز انها لدغه افعى بحكم انه قد شاف حالات كثيره في قريته بس ماعمره توقع يكون بمكانه ابداً كيف كان يحاول مايتحرك علشان ماينتشر سمه لكن صوته والمه اقوى من اي شي ، تقدم الكاسر له وكانه حاسس فيه ولان الخيل فطين حاول ركُود يضربه حتى يركض للخيم وبالفعل ادرك الكاسر فعلته واعتلى صهيله وهو متجه للخيم وينثر التراب من بعده ..
في هذي الاثناء كان وضاح يسقي الخيول حتى رفع انظاره لصهيل الخيل واللي قدر يميزه انه الكاسر بس ليش لوحده ! وين ركُود ! كيف مسكه وهو يحاول يوزنه بسبب صهيله وحركاته حتى ادرك ان في شي اصاب ركُود ماقدر يوزن نفسه وهو يركب على الكاسر ويضرب سرجه علشان يوصله لمكان ركُود ..
مجرد ماوصل وسمع صوت أنين ركُود حسّه سيوف تتوسط جوفه ، انحنى له وهو يجلس على رجله وقت رفع راسه لحضنه يحاول يستوعب كلامه كرر : علامك ! وش جرى لك !
كان الكلمتين الوحيدتين اللي قدر ينطقها ركُود : رجلي ثعبان
فهم كلامه علطول ويتسع بؤبؤ عيناه بصدمه انحنى وهو يسحب شماغه بعد ماميز مكانه وربط ساقه فوق اللدغه بقوة كرر بعدها بعجله : كم لككك ؟؟
كيف كان انين ركُود يزداد وهو يردف : مب كثير
حنى رأسه وهو يضع فمه في مكان اللدغه كعلاج قديم للدغة الافعى ، كيف يحاول ياخذ سّمه حتى يهون الوضع ، كان علاج قديم عندهم يبدي به بهذي الطريقة ولانه عارف ان مصلح حكيم بيساعده بس لازم يقلل من الاثر ، كل ما امتلى فمه بصقه في الارض وهو يكرر بخوف عليه ولا كانه بينهم كل ذي المشاكل ، تقدم لرأسه وهو يحضن وجه ويضرب رأسه بتكرار مايبي يغيب وعيه وهو يردف : خلك معي لا تغمض لا تغمض مب مسموح لغيري ياذيك ماياخذك مني ثعبان ماياخذك ، ركُود !!
كانت المرة الاولى اللي ينطق فيها اسمه ويسمعه ركُود بعد اللي صار ، لدى وضاح لسان عذب لا يتصور يقدر ينطق الأسماء على غير عادتها ، تحسّها تطلع من فمه مثل سحر يمر بالاذن ، نفس ما قال هَجَّان وهو الآن يقول ركُود وحتى وهو يقول راجد ، تطلع الحروف من لسانه بطريقة لم يعهد على الانسان سمعها ، كيف رفع ركُود نظراته له باللحظة اللي رفعه وضاح رغم ثقل ركُود وتقريبًا لهم نفس عرضه الاكتاف وطول الجسد رغم ان وضاح اطول شوي بمقدار بسيط لكنه قدر فيه وهو يسدله على خيله ويركب معه بنفس الوقت وضرب سرجه بعجله ولحسن حظهم قريبين من الخيمه حتى يقدر يلحق عليه كيف اعتلى صراخ وضاح المكان : يا مصلححح الحق علي
أنت تقرأ
أسطورة الجبل الميت !
Mystery / Thrillerهنا ، او هناك ، او هاهنا .. رملاً ، وصخور ، زهراً ، وحقول أُغنية مسير ، تخبط غريق ، ندأ بوسط الحريق ، حُلم زمان ، ندم أيام ، ظُلم و بُهتان ، دمع حزين ، قلب جريح ، يدين ملطخه بطين .. أسيرة جبل قديم ، ام ذئاب الطريق ، طيف الوادي . - هو : المُنى ان لا...
