كيف ضحك وضاح وهو يمسح على وجهه بيدينه اردف : اي عشرة وانا اتقلب على جمر من سنين وهو يضحك بجنبي ؟ ماثقل علي الا اني ضحكت معه يوم انه خطط لقتل اخوي ، اللعين باتّ يصبب القهاوي بيوم عزاه عسى الله يصبه من نار جهنم ، عليم الله لو انه حلال كان علقته على مدخل القرية عظه وعبره للمخاليق ..
ابتسم مؤيد بهدوء بتنهيدات اردف : تنذكر ولا تنعاد يالله
ثم سلم وضاح على اخوه وهو يبشره بزواج خواته مثل العاده يحكيّ له اخر اخباره ، لين ماوقفوا مع بعض طالعين من المقبرة تاركين حياة ثانيه تنتظرهم يوم من الايام ، من منا ما ودع له عزيز تحت التراب ؟ وكل واحد منا ماشي على هالدرب.. بعض البشر من كثر طيب قلبه ماستحملت الارض خلقه وحضنته بداخلها ، وهذا عزانا الوحيد ..
في هذي الاثناء كان صوت عيد يعتليّ مع صوت هجان امام انظار الشباب الجالسين بضحك ، كيف تقدم وضاح و مؤيد مع بعض باستغراب في اللحظة اللي نطق عيد يشير على هجان : هذا وش قاعد يهبد فيه ؟ انتم كيف تفهمونه ؟ اللهم ان كان سحرًا فابطله
ماكان قادر يوقف ضحك هجان لانه استغل جهلهم بلهجته وبدأ يتكلم فيها بطريقه محد يفهمها الا وضاح و راجد ، فعلاً كان عيد بينجن يحاول يفهمه وهو يردف بجدية : يابن الناس لا تمزح معي خلك جدي شوي
ليكمل هجان بلهجته بضحكه : ما اتشاقة وياك " ما امزح معك "
ليردف عيد ويده برأسه : حسبي الله مين قال انك اشقيتني ؟ شدخل الشقاء الله لا يجيبه
كيف كان الضحك من نصيب هجان و وضاح اللي جلس وهو يردف : صبّ ركود
وسرعان ما نطق عيد محدث هجان : تحسب بس انت تقدر تهرج بلهجتك والله لو اهرج معك جنوبي بحت لتضيع دروبك اصبر عليّ بس
كيف نطق مروان اللي بجنب وضاح يكلمه بهمس : ينحب هالعراقي من غير تكلفه وجهه سّمح سبحان من زرع هالقبول كله فيه
ماكان من وضاح اللي يتأمله هجان اللي يضحك ويتكلم بلهجته الا ان يردف : لولا الله ثم هجان ما انّردت لي دروبي الضائعة ، جاء بعد المخاسر مكسب ..!
في بيت ابو العز
عند اللي ماتوصف فرحتها لتحديد زواج اختها ، بنفس الوقت يداهمها غربة ، من بعد ماقال لها ابوها ان ركود مايبي الزواج قريب وهي مستغربة ، ليه يعني يبي يأخره ماكفى قلبه كل هالغيبة ؟ ماكفت لياليّه بعديّ ؟ ما اكتفى من الشوق !
كيف التفتت لحور اللي دخلت وهي تردف : زعلانه لان زواجي قبلك ؟ عادي اجله بعدك اذا تبي
الا ان رفض ثنوى بصدمه وهي تقف تردف : مستحيل ! ازعل لانك قبلي وش هالكلام يابنتي بالعكس مبسوطه لك حييل والله ..
كيف جلست حور بجنبها باستغراب نطقت : وايش صابك اجل ؟
لتكمل ثنوى اللي تنهدت بهدوء : مدري احسّ ركود غريب اخاف قلّ بقلبه حبي ! اللي كان متلهف لي اشوف لهفته قلّة اخاف اعودّ غريبه بقلبه !
الا ان حور نطقت بعدها بتأكيد : مستحيل اكيد في سبب ثاني شاغله ولو مايبيك ماكان استعجل على خطبتك اعطيه وقته بتفهمين منه بنهاية كل شيء
اشارت برأسها وهي تردف بعدها بحماس : الحلوه بتصير عروس ؟ مب مصدقه كيف كبرتيي ؟؟
تراكمت ضحكات حور اللي الفرحه مب واسعتها باللحظة اللي دخلت حسناء ويدها بظهرها تنطق بتعب كانها تركض : حسيبكم الله تاركيني لوحدي ؟ قومي ثنوى نروح السوق نتلاحق ناخذ اغراض الزواج وانتِ حور انثبري بالبيت ماتطلع العروس لين تعرس ولقاءات السطح مانبيها ها
كيف تراكمت ضحكات حور ونطقت : انتِ فيك حيل تروحي السوق ؟ اخطي خطوتين وتولدي
ضحكت ثنوى وهي تاخذ عبايتها وتتقدم معها ..
أنت تقرأ
أسطورة الجبل الميت !
Mystery / Thrillerهنا ، او هناك ، او هاهنا .. رملاً ، وصخور ، زهراً ، وحقول أُغنية مسير ، تخبط غريق ، ندأ بوسط الحريق ، حُلم زمان ، ندم أيام ، ظُلم و بُهتان ، دمع حزين ، قلب جريح ، يدين ملطخه بطين .. أسيرة جبل قديم ، ام ذئاب الطريق ، طيف الوادي . - هو : المُنى ان لا...
