|أسطورة نوميديا|
الفصل الرابع : خيوط الحقيقة
[ الجزء 36 ]
سدو على ماسين فبلاصة فلابريگاد ،خلاوه بوحدو تيفكر فهاظشي لي طاح فيه، السؤال هو لي فبالو، إلى نوميديا بغات تنتاقم من رمزي علاش هو كان طريق.
ملي رجع بداكرتو اللور عرف بلي هو كان المقصود من لول ماشي شي واحد آخر،كانت باغاه هو يطيح فهادشي.
ولكن عمرو دار شي حاجة خايبة والا ضر شي واحد،واخا ديما متهور ولكن هادشي متيضر تواحد.
بقى تيفكر فالأحداث لي دازو بينو وبينها، واخا كان حاسبها أسطورة كان حاس بيها قريبة ليه وقادرة تعايش مع عصرو.
ضرب راسو ملي تفكر كيفاش اللهجة تاعها تتبدل كل مرة، كيفاش دار نيميرو بريفي، كيفاش شدات طاكسي ونعتات ليه البلاصة وكيفاش عرفات الفلوس.
تحل الباب وهز عينيه بالزربة تيشوف شكون .
البوس: بقيتي تطير حتا جبتيها فراسك.
ماسين رجع شاف قدامو بلا ميجاوب،مباغيش يشرح ويبين ليه بلي طلع حمار وجات بنت قولباتو وخلاتو ضحكة قدام الناس.
البوس: نوض غنديوك للمركز.
ماسين وقف سابقو، ركبو فالطوموبيل ومشاو.
البوس دار تيشوفيه: تهضر دبا ولا تتوصل.
ماسين: خليك تتوصل وخودليك قهيوة وسمعني ديك الساعة.
دور وجهو وسكت، باغي يحبك الكذبة مع راسو و يوجدها ، باش يقولها ملي يوصل.
البوس ورا لماسين الخبر تاعو فتيليفون.
ماسين قرب عينيه للتيليفون مصدوم ، غمض عينو وتيطلب الله يقولوليه بلي رمزي ليدارها.
ماسين: منين تنشر هادشي.
البوس: قالو بلي وصلهوم من إمايل، الإمايل جديد تقاد فشي سيبير والخبر تسافط و مكاين منين نجيبو لي سيفطو.
ماسين: ماشي رمزي؟
البوس: لا.
ماسين سكت تيسرط الغصة ويدعي فيها، معارف عليها والو هي المشكلة الكبيرة، ومعندو دليل على كلامو، داكشي بشا قرر يسكت.
وصلوه ودخل لغاعة التحقيق ومعاه البوس.
البوس: هضر وجيني نيشان ، من لول .
ماسين: أنا فاش توقفت، خديت معايا القضية تاع رمزي الساخي نحقق فيها من 2002 ، وبديت تنقلب على الأدوات لي ممكن يقتل بيها بالقياسات لي فالقضية،ولقيت الخنجر،واكتاشفت بلي عندو فالمتحف، وكنت باغي غير ندوزو لأنور يشوفو ونردو ولكن ملي تبتات الجريمة قلت غدا نجيبو ليك.
البوس:,أش كنتي تدير فالفيلاج، كارطابلك فيه الخنجر وشي كموسات تاع الذهب، منين جبتيهوم
ماسين قاطعو: مزور مزور ،ماشي حقيقي ماشي مهم منين جاني ولكن راه مزور مكنت أنظير بيه والو.
البوس بقى تيشوف فيه شي حاجة فهضرتو ناقصة ولكن هو باغي يخبي عليها، أكيد هو بوليسي وعارف هادشي داكشي باش كون بغا يقول كولشي كون قالو.
البوس: القضية راك عارفها فين وصلات وفين ولات.
ماسين هز راسو بأه.
البوس: غنحاول نهضرليك مع المعارف تاعي باش ينقصو ليك حيت الخنجر سرقتيه على ود القضية واخا نتا سرقتيه ولكن كون متأكد أقل حاجة غادي تخسر خدمتك.
ماسين بقا ساكت ملقاش باش يسب راسو ويعاير، غير لي عارف بلي طلع حمار.
أنت تقرأ
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
