|أسطورة نوميديا|
الفصل الخامس : خرافة على أرض الواقع.
[ الجزء 38 ]
غيبات أسبوع على الجامعة وملي رجعات تسناتو فنفس البلاصة ديالهوم.
وملي داز شافها وقف وركبات.
الأستاذ : فين غبرتي عليا الوردة تاعي هاد الأسبوع.
بغا يقربليها وهو شاد يدها وهي تكلم: أنا حاملة، وماما جابت الخبار.
بدات تتبكي .
هو رجع اللور تيشوف فيها : كيفاش حاملة.
جاوباتو وهي هازا عينيها تتبكي : حاملة ، يعني حاملة.
الأستاذ دار يدو على فمو: وعرفتي شكون باه؟
هي هزات عينيها مصدومة فيه: كيفاش؟ ياك نتا بوحدك لي (سكتات شوية) نتا باه شكون باه
حرك صبعو لا فوجها: لا ابنتي نتي حماقيتي، كيفاش انا باه ، واش عارفة أنا راجل مزوج وعندي جوج ولاد؟ واش نتي جبتيه من شي قنت وجايا تلصقيه فيا.
هي حلات عينيها مصدومة: ياك قلتي غادي تزوجني ، ونعيشو ف دارنا؟
الأستاذ حل ليها الباب: خرجي خرجي نتي باغا تلصقي فيا هاد الباطل، سيري تقلبي على باه لصقيه فيه أما أنا بزاف عليك.
خرجها من طوموبيل مصدومة ومشا خلاها.
بقات جالسة برا حتى عيات وشدات طاكسي عند جداتها هي لي تقدر تعتقها من باها ملي يجيب الخبار ولا غادي يقتلها.
كانت دار جداتها بعيدة على المدينة شوية، كانت فيلا صغيرة وفيلات صغار وكبار مباعدين ظايرين بيها.
نزلات ودقات عليها.
حلات ليها مرا كبيرة ف ثمانيناتها غير شافتها بدات تتبكي.
دخلاتها للدار وعاودات ليها لي طرا، وطلباتها تسترها وتحامي عليها من باها لي غادي يقتلها ملي تعلمو مها.
الجدة بقلبها الحنون شداتها عندها خصوصا أنها عايشة بوحدها، قررات هي تهزها هي ولي فكرشها و تعيش معاها..
وفالمقابل الأب تاعها ملي جاب الخبار قلب على الدار لي قالتليه ولكن مكانتش تاعو والا مكتوبة بسميتو واخا الناس شهدو بلي هي لي تتجي معاه ليها وبلي هو مكانش جايبها بزز.
تبراو منها واليديها وبلي مباقيش توصلهوم والا تقرب ليهوم، باش متخسرش صورتهوم وسمعتهوم كتر.
ولدات مولودتها ، وهي مسامعة حتى خبار عليه ولكن كانت مواعدة راسها بلي غير تولد وتكبر بنتها شوية و غادي تفرغ ليه وتبحث عليه باش يعتارف ببنتها.
ماتت الجدة وولات ليلى هي مولات الدار ، منها الأم ومنها الخدمة باش تجيب مياكلو، ومنها التخمال، ومنها الراجل لي يحميهوم فوسط ديك الدار بوحدهوم.
بدات منى كتكبر وليلى كتبحت على رمزي لسبب واحد ، يعتارف بالبنت باش تقادليها وراقيها.
ليلى واخا الحمل تسبب ليها فخسائر بزاف، خسرات واليديها وخلقات عداوة بين جداتها وباها، وخلات صحابها يتخلاو عليها ، وخلاتها تعيش بوحدها.
ولكن كانت مربية منى بحب كبير، حيت تتعتابر راسها هي لي غلطات، ومنى كانت غير نتيجة من غلطها.
أنت تقرأ
أسطورة نوميديا🗡️مكتملة🗡️
Fantasi💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
