|أسطورة نوميديا|
الفصل السادس : هل هذه النهاية
[ الجزء 48 ]
ماسين ضحك بالجهد ودار شاف فالحارس: أنا بغيت نخرج.
منى وقفات هازة التيليفون: محتاجة غير شهادتك، وفالمقابل نقدر نخرجك.
ماسين شاف فيها: فاش غنشهد ليك! بلي هزيت الخنجر، قلتهاااا، نشهد بلي الذهب مزور ، قلتها، بلي معندك حتا علاقة بلي طرا، قلتها، فاش غنشهد فاش؟
منى: بلي شديتي الرشوة من عند رمزي باش تسد القضية، المدعي العام غادي يدوز عندك ياخد من عندك الشهادة وغتحضر فالمحكمة.
ماسين دور وجهو تيضحك: أشنو سميتك؟ نوميديا نيت؟
منى سكتات شوية وجوباتو: سميتي منى.
ماسين: سمعي أ منى، إلى كنت تنباليك حمار، فخاصك ديري النظاظر، أنا متنديرش الغلط جوج مرات.
منى قاطعاتو: غادي تخرج وتربح حريتك فالمقابل، عارفاك متدير حتا حاجة بلا مقابل.
ماسين: مرتاح فالحبس، مدام مكنشوفش بحالك.
منى حزات ساكها وقادات حوايجها باش تمشي: على راحتك، عامة مكانت شهادتك أتزيد والو، أنا قادرة ندخل بابا للحبس بلا بيك.
ماسين سمع بابا ورجع قرب: كيفاش باباك؟ رمزي باباك؟ (دار يدو على فمو) نووو وااااي ، لي ماتت هي ماماك، ميمكنش!
منى: أشنو لي ميمكنش؟
ماسين: دبا هاد الفيلم كامل باش دخلي باباك للحبس؟
منى شافت فيه باشمئزاز: أكيد ماشي على قبلك، أكيييد.
ماسين شاف فيها بابتسامة جانبية: عرفتي شنو، دوزي المدعي العام لعندي، ومتنسايش المقابل.
حط السماعة وغمزها وخرج.
منى حطات السماعة حتا هيا وابتاسمات وخرجات ، تلاقات فالباب بالمدعي العام لي تكلف بدخولها مدام هي معندها حتا ورقة: راه وافق، خاصك غير تاخد شهادتو وسولو على البوليس لخرين لي ممكن يكون رشاهوم رمزي.
المدعي العام: صافي بالأقوال تاعك وتاعو والشهود تاع الجريمة تاع الشيفور تاعو، غادي نكونو ضمنا بلي رمزي يدوز المؤبد.
حمزة عنق منى من الجنب: وهاكا تكوني خديتي حقك كي بغيتي.
منى: منفرح حتا نشوفو فالحبس.
أما ماسين ملي رجع لزنزانتو، جلس فبلاصتو ودارو بيه صحابو، تيسولوه على الزيارة لي ماشي فوقتها شكون جا فيها.
ماسين: غادي تصدمو.
سيمو: طلقنا شكون؟
ماسين: نوميديا، زعما البنت لي تفلات عليا.
سيمو: نااااري، جات تتشفى فيك، ناااري بغيت نتلاقاها تفيدني شوية من ذكاءها.
ماسين: لا جات نعاونها.
سيمو: فاش؟ نتا محبوس، نتا براسك خاصك العوين.
ماسين: بغاتني نشهد فالمحكمة تاع رمزي، باش تغرق ليه الشقف.
سيمو: ونتا أش قلتيليها؟
ماسين شاف فيه فرحان: وافقت.
سيمو شاف فلخرين: على رقبتي إلا حمار.
ماسين: لا أنا تنفكر لمصلاحتي ماشي مصلاحتها، بقات ليا 6 أشهر، إلا شهدت وزدت ورطت رمزي، غادي يدخل للحبس ويبند فيه، ولكن إلا لا، غادي يقدر يخرج ، وملي نخرج غادي ينتاقم مني، حيت أنا سبابو حتا هو فالحبس.
دار شاف فيهوم لقاهوم تيفكرو فكلامو.
عمر صفق بيديك: معلم، سير لداركوم وكلم ليا باك، نسولو فأشمن مدرسة قراك، نقري فيها ولادي أنا وفتيحة لي جايين فالطريق.
دارو كولهوم تيشوفو فيه وناضو تفرقو خلاوه عمر بوحدو
أنت تقرأ
أسطورة نوميديا🗡️مكتملة🗡️
Fantasía💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
