|أسطورة نوميديا|
الفصل الرابع : خيوط الحقيقة
[ الجزء 32 ]
دخلو للمتحف قاصدين المكتب تاعو والصافرات تاع البوليس برا..
حل الرئيس المكتب ودخل على رمزي لي كان واقف تيطل يالاه بغا يخرج.
الرئيس شاف فالدراري: شدوه، نتا أسي رمزي رهن الاعتقال بجريمة القتل العمد، القضية تاع 2002 تحلات وهاد المرة بالدليل.
رمزي بدا تيترطى همس بصوت شبه مسموع: وصلها ليكوم.
الرئيس سمعو: ميتسحابليكش القضية تسدات ، ادن التحقيق غيحبس فيها.
رمزي: فيناهيا مذكرة باش شاديني، وبأشمن حق تتعاملو معايا هاكا، واش معارفينش شكون أنا؟
الرئيس جبد المذكرة: هاهيا، ونتا راه مواطن بحال الجميع، القانون فوق الجميع، خرجوه.
نزلوه بالغوات ركبوه فالسطافيط ومشاو، الرئيس نزل من وراهوم ودخل جهة تاع الكاميرات كانو جوج رجال مصدومين من لي شافو برا المتحف وكيفاش رمزي تلاح فالسطافيط.
الرئيس جبد گارط تاعو تاع البوليس وشاف فيهوم: سؤال واحد لي غنسول نبغي جوابو.
هزو راسهوم فيه وهوما تيشوفو فلي غارد لي دخلو وراه.
الرئيس: لي تشفر نبغي نشوف التسجيلات تاع لي شفروه.
دار قدامو واحد من الگارد: ليشفر بلوكا كاميرات تاع المتحف ولكن عرفناه ولقيناه شكون.
الرئيس : شكون؟
الگارد عطا الإشارة لدوك الجوج باش يوريوه التسجيل.
شاف التسجيل وحمارو ودنيه: منين جبتوه؟ بغيتو غادي ناخدو.
الگارد عطا إشارة باش يهزوه ليه ويعطيوه ليه: التسجيل جبناه من واحد من المحلات لي حدانا، عرفتيه؟
الرئيس: هز تيليفونو حول ليه التسجيل، وشاف فالگارد: حنا أنتكلفو بيه.
خرج الرئيس معصب ركب سيارتو ومشا للمركز، تيتسنى يسالي مع رمزي ويدوز لماسين ديك الساعة ملي يجي عندو برجليه.
فبلاصة خرا فالشركة تاع جريدة إلكترونية، كانو تيتجاراو بسبب الخبر لي وصلهوم من المجهول ولكن كان غادي يهز شهرتهوم لأعلى الأعالي.
***: خبر غادي ينوض الروينة؟
****: أشنو تتقتارحو فالعنوان؟
*****: دير " فضيحة سرقة أقدم خنجر من قلب المتحف"
*****: واش نشرو حتى هاد المعلومات الشخصية لي كاينين؟
*****: أه ، غير نشرهوم ودير بلي وصلو لمعلومات من مصدر مجهول، حط الفيديو والتصويرة تاع مولاه، الليلة يبات فالبنيقة
****: دبا إلى صدق هادشي كدوب ، فين غنوليو؟
*****: مسمعتي بلي رمزي الساخي مول المتحف شدوه البوليس، بحال والو بسباب هادشي، ادن غير توكل على الله.
تنشر الخبر وذاع وفظرف ساعات ولا كولشي تيهضر على الخبر ، ووصل الخبر للبوليس، وبدا البحث على "ماسين" ، المجر_م لي سرق أقدم خنجر من قلب المتحف.
أنت تقرأ
أسطورة نوميديا🗡️مكتملة🗡️
Fantasía💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
