أسطورة نوميديا|
الفصل الثالث : إنه فخ
[ الجزء 29 ]
ماسين دار يدو على فمو: ميمكنش تكون الشكوك فمحلها؟
أنور: دبا خاصك تعلم البوس، أصلا نتا غارق فهادشي وإقدر ، لا ماشي إقدر، هوما غادي يجريو عليك.
ماسين: علاش؟ أنا لقيت الحل لهاد القضية.
أنور : نتا شفرتي خنجر ، ودبا عندك الخنجر لي هو ساوي الزبابل تاع الفلوس، وماشي ملك تاعك، هو ملك تاع الدولة، رسميا نتا بنيتي حبسك بيديك.
ماسين: مال فمك لاحسو كلب، مشاكلي قاد بيهوم، نتا درتي خدمتك، صاف مشفتي والو مدرتي والو، أنا غنتكلف.
أنور: ضبر راسك.
قطع عليه وجلس تيفكر فحريرتو.
خرج عند نوميديا ودخل عليها للبيت.
نوميديا: كيفاش تتجرأ تدخل بيت سيادك بلا إذن.
ماسين بغير اهتمام: رمزي هو القاتل.
نوميديا شافت فيه مطولا وتكلمات: تنظن بلي أنا لي قلت هاد الكلام فلول.
ماسين هز كارطابلو وجابو وجبد منو الخنجر: هاكي هاهوا.
نوميديا شافت فيه وشافت فالخنجر وبقات مدة وهي دور عطاتو بالظهر: فكرت فالعرض لي كنتي قلتي ليا، الحبس غادي يكون عذاب أبدي لشخصية حقيرة بحالو .
ماسين بقى تيشوف فظهرها ورجع الخنجر للكارطابل، إذن أنبلغ بيه.
نوميديا جلسات بلا متسوق لكلامو، وهو خرج.
فالمكتب تاع رمزي فالمتحف، كان جالس شاد راسو، طاوي كمام القميجة وحال الصدايف الفوقانيين تاعها، المكتب تيتهز مع رجلو لي مزگاتش من الحركة بسبب التوتر، تيشوف قدامو .
من جهة مصدوم حيت طرا ليه هاكا فهاد السن، بعد سنين من المحاربة تاع الناس لي باغين يطيحو بيه، يجي واحد يدير ليه هاكا، ويبغي يريي ليه لي بنى.
ومن جهة باغي يعرف شكون؟ باغي يقتلو بيديه ، بلا متجيب البوليس لخبار، ويدفن معاه السر.
دخل راجل من رجالو تيجري: سيدي لقيتي السيري تاع البيسي لي اختارق الكاميرات ولكن مقادرينش نوصلو لبيسي حيت طافي، غادي نبحثو منين تشرا ونشدو ديك الطريق حتا نلقاوه، والكاميرات تاع المتحف كاملين مقادينش يشدوه ، ولكن غاظي نلقاوه.
رمزي تيحاول يسيطر على أعصابو: منبغيش نسمع صوتك ولا صوت غيرك إلى ماجيتيش باش تقوليا راه فلان هو لي شفر.
الراجل هز راسو وخرج.
هز رمزي الفيستا تاعو وخرج حتا هو، نزل الدروج وخرج برا لمتحف متوجه لسيارتو.
دار عند واحد من رجالو: أنا لي غادي نصوگ، تواحد ميصوني عليا حتا تلقاوه وتجيبوه.
الراجل هز راسو ليه .
رمزي تقدم لسيارتو وهو تيشوف فالنواحي تاع المتحف، وبالصدفة لمح كاميرات تاع المحلات لي حداهوم.
هز يديه لواحد من الرجال.
رمزي: هاد الكاميرات جيبو تسجيلات تاعهوم، المحلات لي دايرين بالمتحف كاملين جيبو تسجيلاتهوم وشوفوهوم.
الراجل شاف فالكاميرات : واخا أسيدي.
أنت تقرأ
أسطورة نوميديا🗡️مكتملة🗡️
Fantasía💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
