|أسطورة نوميديا|
الفصل الثاني : كن حذرا!
[ الجزء 21 ]
رمزي جمع ضحكتو ورجع شاف فنوميديا.
رمزي:مرحبا، شرف كبير ليا نتعامل مع أساتذة تاع التاريخ ،بالمناسبة أنا مولع بالتاريخ تاع أي حاجة وكنبغي نبحث ونقلب على التاريخ تاع العصور ،الثقافات، الدول كولشي، أشنو خلاك نتي تبغي هاد المجال؟
نوميديا ابتاسمات ابتسامة صغيرة: كبرت وسط كتب التاريخ، قريت على بزاف تاع الأمم، وعجبني الماضي تاعهوم وداكشي باش كملت فهادشي ،وخدمت فيه باش ديما نبقى مربوطة بالماضي والتاريخ.
رمزي محبسش الحوار بل تعمق فيه كتر ،وحتا نوميديا مقصراتش تتعبر براحة ، وبحالا كان كيهضر فمجالها وكانت تتجاوب معاه وتناقشو على كتب كبار وقدام .
فحين كان ماسين ندمان، صراحة ندمان كلمة قليلة فحق إحساسو دباد، كان باغي غير إمتا يخرج، حاس براسو بحالا حاصل فحصة تاع الاجتماعيات وللأسف مقادش يخرج منها.
رمزي مذهول : متصوريش شحال أنا معجب بأفكارك، قلييل بزاف فاش تنتلاقى ناس مهتمين بالتاريخ، وتيتناقشوا فيهوم بهاد الاحترافية.
نوميديا: شكرا حتا نتا إنسان راسك عامر ، وباين عندك علاقة وطيدة بالماضي.
ماسين دار يدو على وجهو بمجرد ما سمع كلامها، عارف بلي متتوزنش كلامها ولكن هنا فموقف بحال هادا مغيقدرش يعتقها، يقدرو يغرقو بجوج بغلط بسيط.
رمزي فهم كلامها بمعنى مجازي، قصدات بيه بلي متعلق بالتاريخ ،وهو يبتاسم.
نزل شخصيا ودار بيهوم فالمتحف لي كانو فيه جناحات كتار.
جناح اللوحات: لي كانو فيه لوحات نادرة وغالية وتاع فنانين كبار.
جناح التماثيل: لي كانو فيه تماثيل قديمة ، كان فيهوم لي تهرسو ولكن خلاوهوم هاكاك باش ميخصروش الطابع تاعهوم إلى ترمموا.
وكاين جناح خاص بملابس ولا أكسسوارات ولا الأسلحة لي تستخدماش فعصور قديمة.
وصلو ليه وقفو حدا الخنجر ودوزات نوميديا يديها على الجاجة.
رمزي: عرفتي هاد الخنجر !
نوميديا: هادا الخنجر تاع الأسطورة لي معروفة ياك.
رمزي: اه تماما، خنجر أسطورة نوميديا.
نوميديا: مديرهاش مني قلة صواب، حنا الناس تاع التاريخ عايشين مع الحقائق، داكشي باش خنجر من أسطورة تنظن ماشي خنجر حقيقي.
رمزي: منقدرش نقول حقيقي ولالا ولكن تشخص بلي تيحتوي على أحجار كريمة نادرة وبلي الثمن ديالو واصل 5 مليون دولار ، داكشي باش متنظنش بلي الأسطورة ماشي حقيقية ، ولكن بصح كاينة.
نوميديا:إذن الأسطورة تاهيا حقيقية وبلي حتا لي تقتل بالخنجر ظلما تترجع نوميديا باش تقتلو وتنتاقم ليه.
ماسين فهاد اللحظة تمنى يدوب ولا يختفي للأبد، وميحضرش لشي كارثة تكون سبابها هي.
رمزي سكت شوية تيحلل هضرتها فراسو ورجع شاف فالخنجر: معرفتش، تنظن هادي هي الكذبة لي فالأسطورة لي مات مات ،معندو طريق للعودة.
نوميديا هزات راسها بابتسامة: اه عندك الحق.
كملو الزيارة حتى استأذن منهوم رمزي بحجة عندو شي خدمة.
كملو الجولة بجوج وخرجو حتا هوما.
خرجو ركبوا فالطوموبيل فصمت وتوجهوا للدار عاوتاني.
نوميديا غير دخلات وهي تشوف فيه ونطقات: خاصنا ناخدوه هاد الأسبوع.
ماسين جلس قدامها مخسر وجهو : لالة نوميديا تتحلم بالحاجة، وتتبغي تحققها فساعتها. واش فخبارك باش تاخديه خاصك تقلبي ليه على بديل وتحطيه بلاصتو نتي أكيد مبغيتيش يعيقو بيك فساعتها، وخاصك باش دخلي تعطلي الكاميرات كاملين، وخاصك تعرفي سيستيم تاع الحرس، وترسمي الطريق للدخول وللخروج، ولقاي الوقت المناسب باش تاخديه وتفاصيل بزاف خاصهوم يتدرسو.
قاطعاتو نوميديا: هادشي بالضبط لاش نتا خدام معايا، نتا لي غتعرف المعلومات، وتلقى كولشي.
ماسين سكت تيشوف قدامو الموضوع كبير خاصهو بزاف تاع التفكير والتخطيط.
أنت تقرأ
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
