|أسطورة نوميديا|
الفصل الخامس : خرافة على أرض الواقع.
[ الجزء 43 ]
فجهة أخرى، كان رمزي.
بعدما خرج من دار ليلى، ركب مع الشيفور وتوجه لدارو لي كان فيها بوحدو، دخل حيد حوايجو ، غسل لي خاصو يتغسل، ودوش وخرج تيشوف فالخنجر لي قتل بيه ليلى.
مسحو مزيان ونقاه ودورو فيديه تيشوفو.
كان تيشبه بنسبة كبير للوصف تاع خنجر نوميديا، خنجر نحاسي منقوش ومنبت بياقوتات حمرين ، وفوق منو كاينة ياقوتة كبيرة حمرة.
هز تيليفونو صونا على واحد خدام فالمتحف وسولو على كيفاش ممكن يعرف بلي الياقوت حقيقي ولالا، وأشنو تيبين بلي شي خنجر حقيقي، والخدام مبخلش عليه وعطاه المعلومات لي غيخصوه.
بعد أيام على رمزي من البحث اكتاشف بلي الياقوت أصلي وبلي المصنوع بدقة.
قرر يحطو فالمتحف وولا الخنجر مسمي بخنجر نوميديا، وولاو زوار كتار كيجيو يشوفوه ويعرفوه.
النجاحات تاع رمزي موقفوش هنا ولكن عام على عام كان تيدير تطور، ولا هو مول المتحف، وترشح فالسياسة وولا شخص معروف عندو اسم فالبلاد.
رمزي نسى على الجريمة لي دار بالأخص من ورا ما تسد الملف تاعها، مبقاش فكر فليلى والا فبنتو والا فأي واحد، خصوصا أن الغياب كان سنين.
حتا قررات منى تنتاقم وترجع الحق لي خسرات مها، قلبات منى بوحدها على رمزي،ومنو عرفات الشيفور تاعو لي حضر للجريمة ولو من بعيد، وجمعات معلومات عليه.
كان راجل كبير فالعمر عايش بوحدو، خدات عنوانو ومعلومات عليه ، وعطاتهوم لحمزة لي كل مرة تقنعو بزز باش يعاونها، وهو حيت كبرات قدامو مكيقدرش يخسر ليها حيت فمقام ختو الصغيرة.
مشات معاه لعند الشيفور.
حمزة: نتي غتبقاي فطوموبيل، أنا غنتكلف.
منى: لا خليني نمشي نهضر معاه تانا.
حمزة: يا هاد البنت سمعي الكلام ، أنا أنعيط ليك من بعد.
منى ربعات يدها تطل على الدار من بعيد من وسط الطوموبيل.
حمزة خرج وقصد دارو، دق جوج مرات وحل ليه الراجل.
الشيفور شاف فحمزة باليه راجل نقي بلباس مقاد: السلام عليكوم؟
حمزة: سي حسن هادا، عندي معاك شي كلام.
الشيفور: هو هادا ، ياك لاباس؟ تفضل.
دخل حمزة مع الشيفور للدار: سمعني أ سي حسن عندي جوج كلمات، نتا حضرتي لجريمة قتل طرات ف 2002 وتسترتي عليها، هادشي تيعاقب عليه القانون.
حسن سكت تيشوف مصدوم، مقدرش يهضر، غادي يكدب إلا قال بلي خاطرو متيأنبوش كل مرة يتفكر .
حمزة: باراكة متبقى ساكت سير عطي الشهادة تاعك ، راه تقدر تعاون بشهادتك شحال من واحد ياخد حقو.
حمزة وقف ، وحسن حتا هو وقف: شكون نتا بعدا.
حمزة: مكاين لاش تعرف دير لي قلتليك ماحدك فالدنيا.
خرج حمزة زربان ونزل فحالو ركب سيارتو تيعاود لمنى أشنو طرا.
أنت تقرأ
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
