|أسطورة نوميديا|
الفصل السادس : هل هذه النهاية؟
[ الجزء 52 ]
بعد دقائق سكت كولشي، هاد المرة ماشي خوفا من القاضي ولكن باش يسمعو لي كانو تيتسناوه 6 أشهر ، الحكم.
القاضي بدا تيهضر ويقول الفصول والحكم فكل فصل على الجرائم لي منسوبين لرمزي.
ختم كلامو بجملة خلات منى تشوف فيه وهي مبتاسمة.
"ونحكم على المذنب رمزي الساخي بالسجن المؤبد "
منى مبقات تتسمع والو من غير تتشوف وهي تتفكر الجريمة بين عينيها، والليالي لي بكات بسباب فراق ماماها، والأيام لي دوزات وهي تتخطك وتقلب على الضربة لي طيح رمزي متبقى تهزو، وتفكرات 6 أشهر لي تسنات فيها هاد الحكم لي يبرد ليها القلب.
ابتاسمات للمدعي العام ووقفات وسط الناس لي تيشوفو فيها، ووسط الصحافة لي باغين ياخدو منها تصريحات.
خرجات وهي تضرب برجليها ، تبعها حمزة.
حمزة: درتيها البنت.
منى ابتاسمات ليه: مدرتهاش بوحدي، كون مكنتيش معايا مكنتش نقدر نديرها بوحدي.
حمزة: نتي العقل أنا غير تنعاون، تقدري دفعي لوراقك وقتما بغيتي، باش ديري لاكارت .
منى : نعول عليك حتى فهادي تكلف ليا.
حمزة عنقها بالجنب: لي طلباتها ختي الصغيرة نفدها بلا كلام، وليت نخاف منك من ورا هادشي.
منى بغات تجاوب وهي تسمع إسمها ودارت.
-: منى!!
كانت مرا كبيرة فالعمر بجلابة راقية وزيف مبين شعرها، ومعاها راجل كبير بشعر شايب، جاو قاصدينها.
حمزة همس ليها: هوما هادو؟
منى جاوباتو وهي تتشوف فيهوم: اه هوما.
وقفات المرا قدامها تتشوف فيها بعينين دامعين: سعيد ، منى تتشبه ل ليلى بزاف.
منى: آخر كلام كان عندنا ساليناه داك النهار.
سعيد: نتي حفيدتنا، وقلناليك، غلطنا مرة وخسرنا بنتنا ، مغنخسروش حفيدتنا، أولا أ الباتول؟
الباتول شادة فيد منى: بصح، حنا غلطنا فحق ليلى بزاف، هي مدركناش نطلبو منها سماحة، سمحيلينا نتي.
منى شافت فحمزة: أنا معندي مشكل معاكوم باش نسمحليكوم، نتوما جدي وجدة ، نهار تحتاجوني تلقاوني، ولكن باش نحتاجكوم راه مغاديش نحتاجكوم.
الباتول: حنا محتاجين: نشمو فيك ريحة بنتنا.
منى بعدات لور: بنتكوم فالقبر 20عام هادي، أنا ديك الصفحة طويتها ، عندي عائلتي وممحتاجة تواحد.
سعيد : على خاطرك، المهم نشوفوك ملي نحتاجوك، وملي تحتاجينا مرحبا بيك فدارنا راه ا دارك،ميمكنش تبغينا ونتي يالاه عرفتينا،غير هو خاصك تاخدي هادي ديالك.
جبدات الباتول ورقة من ساكها، ومداتها لمنى.
منى حلات الورقة وهي تتشوف فحمزة: ديالاش هادي؟
أنت تقرأ
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
