أسطورة نوميديا|
الفصل الثالت : إنه فخ
[ الجزء 26 ]
أنور شد الكارطابل معصب: خداميك كولهوم فالصو، وتتزيظها بداك الفم.
ماسين دار يدو على فمو: مالك مع فمي، أصلا لاش تتشوف فيه، أهيا واش كنت تندير الفتنة للبنات وليت نديرها للرجال ، داك النهار البوس ،دبا نتا؟
أنور هز الكارطابل وخرج بلا مايجاوب: لا حول ولا قوة إلا بالله.
ماسين نزل الشرجم: بيناتنا تيليفون أ زين.
أنور هز صبعو الوسطاني بلا ميدور ودخل للابو.
ماسين رجع للبلاصة لي هز منها الطاكسي نوميديا، باش يتسناها.
عند نوميديا لي هزها الطاكسي للقهوة لي دارت فيها مع رمزي، دخلات وجلسات فبلاصة بعيدة على الناس وتطل على الشارع، وبقات تتسنى.
دقائق ودخل رمزي معاه جوج رجال وقفو برا القهوة .
نوميديا شافتو ووقفات: سيد رمزي ، شكرا على قبولك على اللقاء.
رمزي: لا فأي وقت.
نوميديا ابتاسمات.
رمزي نطلبو شي حاجة نشريوها،أشنو تبغي تشربي.
نوميديا ابتاسمات: ليطلبتيها طلبليا منها، معندي مشكل.
رمزي عيط على النادل وقاليه الكوموند ودار عند نوميديا لي كانت تتحاول تسمع الاسم لي قال.
رمزي: أنا كنحماق على اللقاءات لي تيتبادلو فيهوم الناس المعلومات.
نوميديا: نفس الشيء ، قليل فاش تيكونو ناس من هاد النوع.
رمزي: عندك الحق، الناس بحالك قلال، الأغلب كيفهمو غير فالأعمال، ولكن القليل لي راسو عامر بالثقافة والتاريخ، والمعاومات النادرة على بزاف تاع الحوايج.
نوميديا: هادشي بالضبط لاش عيطليك، أنا طالبة معلومات على الأساطير، بزاف تاع الطلبة تاعي تيسولو على الأساطير، منكدبش عليك أنا من ديما تنقول بلي الأساطير مجرد قصص من خيال الناس ، ولكن الأسئلة تاع الطلبة وتحليلاتهوم كتخليني نعيد التفكير فهادشي.
رمزي: أنا كأستاذ جامعي سابق، تنتفهم الوضع تاعك، ولكن الأجوبة شي مرات تتكون فأفكار الطلبة، أنا مثلا فكرتي على الموضوع قبل بزاف كانت بلي ماشي حقيقية ولكن ممكن تطرا، وممكن توقع، حيت مكايناش عافية بلا دخلن كيف تنقولو، ولكن دبا..
قاطعهوم النادل وحط مشروباتهوم.
رمزي : تفضلي.
نوميديا: شكرا،كمل الفكرة.
رمزي: الفكرة هي أنني دبا متنتيقهومش، بل متأكد بلي الأساطير مجرد كذبة بناوها الناس كيف قلتي.
نوميديا سكتات ، وفهمات أش قصد، ابتاسمات وكملات معاه الحوار..
الحوار بينهوم استمر دقائق وتحرك التيليفون تاع رمزي، طلات نوميديا وبانت ليها، ألاغم حمرة ، دور غينو فليغارد لي تحركو تيليفوناتهوم.
نوميديا شافت فيه بفضول: كاين شي مشكل؟
رمزي ابتاسم بزز حط الفلوس تاع داكشي لي شربو فوق الطبلة: غادي تسمحيليا بزاف ، ولكن مضطر نمشي.
نوميديا: لا لا خود راحتك، الحوار نكملوه من بعد.
رمزي خرج تيجري ركبو لي گارد معاه ومشا.
نوميديا شافت فالكاس لي شرب منو رمزي وعيطات على النادل.
نوميديا: بغيت نهضر مع الكبير.
النادل: لا غير عيط ليه.
نوميديا بقات تتسنى فيه حتا خرج وشافت فيه بابتسامة صغيرة: هاد الكاس غادي ناخدو محتاجاه.
أنت تقرأ
أسطورة نوميديا🗡️مكتملة🗡️
Fantasi💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
