• ألفه :
نحيت دبشي قطعه قطعه و دخلت تحت الماء ، كان سخون يحرق لكن ستحليتوا كل قطره تهبط منوا تفسخ وجيعه ، ماضي و تعب ، تبسمت وقت تفكرت الماضي و ٱه من الماااضي ، غمني و خذا وقتي و حياتي و ممكن صحتي.. كل الصور إلي تدور في مخي هي بالأساس وجيعتي خذيت نفس بالقوي البخار ملاا البلاصه نحب نخرج و منخليش الأفكار هاذي تحاوطني برشا و تهزني معاها لطريق مسدود بالكل ..
قمت دورت الكاب على بدني إلي حرقني من الماء كبست على شفايفي و خرجت نمد في الخطوه بالسيف هزيت راسي مع صوت الباب دخلت و خزرتلي مندري كيفاه بعد ڨحرتلي تحكي
ماريا : مش بش تنحي هالصنعه ؟
خزرتلها فاهمه قصدها و تبسمت قربت من المرايا و قعدت نسرح في شعري و نحكي
أنا : عادي ماريا يخي ما تعودتش عليا
ماريا : لااااا و مش بش نتعووود
قربت مني بزربه خزرتلي و عدات يدها على كتفي تلسعت من الوجيعه نزلت على شفايفي خزرتلي بلوم تحكي
ماريا : عيش أختي ماعادش تعمل هكا في روحك شوف بدنك كلوا أحمر
أنا : ماريا عيشك خليني أنا تعودت هكا و مش متقلقه و الله بالعكس نرتاح
نخزرلها تنهدت بوجيعه طبست قدامي و هزتلي براسها تحكي
ماريا : إحكيلي شنوا مقلقك عمرك ما جبدتلي على شي نعرفك تاعبه قلي و فرغ قلبك ممكن ترتاح
أنا : م.منجمش حاولت ما نجمتش نخرج حتى كلمه صدقني
تنهدت يائسه و عنقتني رغم وجيعة بدني كبست عليها هي كانتلي طوق النجاة و الأخت الوحيده منغير رابط دم و لا قرابه عوضتني على فراغ كبير عشتوا طول سنين في الغربه كبست عليها و رسمت بسمه نحاول نخرج من الدوامه إلي أنا فيها نحكي
أنا : حقااا تذكرت
ماريا : شنوا
أنا : الساعه قلي شبيك حليت انت
جبدت روحها خزرتلي مندري كيفاه لعبت بحواجبي نحكي
أنا : الظاهر نعرف
ماريا : شتعرف !
خزرتلي بتهديد ضحكت على طول صوتي و قمت نحكي هاربه منها
أنا : النوم على صدر الحبيب يعطي طاقه و يورد الخدود يا عزيزتي
حسيت كان بالمخده إلي ضربتني بيها ضحكت نسمع في صوتها من ورايا
ماريا : أماان يا هامله زييد تبولد عليا زيييد
أنا : نكذب أنا يا روحي
ماريا : يطلع روحك كان نشدك برك
ضحكت و قربت من الدريسينغ لبست إلي جا على يدي من الحاجات إلي شريتهم البارح أصلا ما لحقتش نرتبهم بعد ما رجعت جرة إلي صارلي في الشارع شويا و الا مت كبست على سناني وقت تذكرتوا مزلت ما شفيتش غليلي منوا و كان نلقى نفرغ فيه غشي الكل مش عارفه علاه امه كلاموا قعد يتبع فيا صحيح كشيت عليه امه من خوفي ممكن أنا عندي حساسيه من المواضيع هاذيكه لكن طريقتوا رعبتني و رغم إنوا قالها بتهديد و برا امه للحظه حسيتوا هو قدامي كلمة تجاره بالأعضاء إلي قالها بإستهزاء رجعتني سنين إلتالي خلاتني عاجزه ناقشوا أكثر ،، غمضت عينيا بالقوي هاربه من إلي نخمم فيه كل مره نبعد فيها عالماضي نلقاه متبعني و لا إراديا نضيع بين صفحاتوا ،، ساعات مخي ياخذني و نتمنى لو كنت في بلاصة ماريا نتمنى لو ننسى حياتي وجيعتي و تعبي و كل تفاصيل الماضي وقتها كان ممكن إني نعيش مرتاحه أصلا ما عندي شي نخسروا هزيت راسي للمرايا وين قابلتني صورتي عديت يدي على خدي شفايفي و بعد رقبتي قربتها من جرح قديم في راسي قعدت منوا كان التراس حبيت نخرج من البيت وقتها أو بالأصح نهرب من أفكاري امه جمدت في بقعتي ذكرياتي عكستني غمضت عينيا وقت قابلني خيالوا بعدها غرقت في بحر الماضي وسط ذكريات نتمنى لو ننساها :
أنت تقرأ
نُـقطَـة اللّـقـاء 🦋
Romansaحصريا 🚫🚫 : #نقطة_اللقاء 🕯️ " تتعدّد أسباب الجريمه لكن الحب أهمّ دافع " _ هناك مئة طريقه لأُريك كم أحبك لكنّـني إخترت الحَــرب ! 🌀 " .. حبِيبِــي وجـدتُ الهروب حلَّا .. لكن ! إلى أين ؟ هل إلى جُـدران ذاكرتي المظلِـمه أم إليك ؟ " _ بين ا...
