شهد السلطان جزء ثاني 6
رباب: يبقى انتي مش بتحبيه وعايزاه يزهق منك ومن دلعك عاد..
شهد : انتي بتقولي ايه..
رباب :اللي بيحب يسامح حتى لو ماقدرش ينسى سامحيه ومع الوقت هتنسي
شهد بغصه :انتي بتقولي اكده يارباب.
رباب باختناق :بصي اخوكي محدش ضربه على يده وقله يتجوز ..اتجوز من كيفه وخلف كمان بس مقدرتش ابعد عنه عشان بحبه .. بحبه ومش قادره على بعاده عني اني مقدرش اعيش حياتي بعيد عن همام.
شهد: هو انتي مش سامحتيه يارباب.
رباب :سامحته حاجه واني انسى حاجه تانيه اني مقدرتش انسى انه اتجوزز عليا ..بس سامحته عشان مش هقدر اتخيلي روحي مع حد غير همام ..اني من ساعت مافتحت عيني معرفتش غيره .
همام اول راجل بحياتي اول حد قلبي ماله او حد حبيته اني تخليت عن كل حاجه حتى عارضت ابوي واهلي واتجوزته مش هقدر اعيش من غيره مش قادره اتخيل روحي بحضن راجل تاني ..
شهد :انتي كاتمة كل ده بقلبك.. ..
رباب :مسحت دموعه لتكمل بغصه بلاش تعندي ياشهد وتخسري جوزك...وتخسري الراجل اللي حبك وحبيتيه..
كفايه جوزك شاري خاطرك ومش عايز يزعلك..كفايه عليه اكده كفايه عشانك يا شهد عشان بكره صدقيني هيتعب من قد مصبر..كل حاجه ليه حد.. حتى الصبر. ..اني بقولك سامحيه ومع الوقت هتنسي
شهد..
رباب اني هقوم اشوف العيال وانتي فكري كويس ومتخسريش جوزك…ومتزعليش من عمي منصور عشان عمل كل ده عشانك
******
في المشفى في احدى الغرف ..كانت هدى غارقه بالنوم تحت تأثير المهدئات
بكري جلس بجانبها على السرير بقلق يمسد شعرها بحنان انحنا وقبل جبينها وخديها واستنشق رائحتها التي اشتاق اليها..اغمض عينيه يتنعم بقربه من هدى التي اسرته.
وبداخله غصه عندما علم بأنها خسرت جنينها وتمر بأزمة نفسية بسبب ذلك ..فقد اتصلت به حنان واخبرته بكل شيء ..يشعر بالألم على زوجته وحبيبته كيف بوسعه مساعدتها والتخفيف عنها.
اخبرته الطبيبه أنه يجب الاعتناء بها جيدا فهي تمر بأزمة نفسيه سيئه جدا.
لذلك قرر ان يفعل شيء لها ينسيها كل مامرت به.
********
بعد شهران من غياب سلطان كانت شهد تتحرق شوق للقائه لكنها تكابر فهو لم يتصل بها ابدا ولم يعود من سفره المفاجأ بعد. كانت كل يوم تنتظر عوته تمسك هاتفها تنتظر اتصال منه لكنه لم يعود او يتصل ابدا لتشعر بالاختناق وظنت بانه نسيها.
همام: انت مش هتقول لشهد يابوي ..
منصور: لا يابني احنا نروح نتطمن على سلطان الاول وبعدها نقولها..
